DEEL 3 - Nuweopenbaring::: Welkom by Die Nuwe Openbaring

van Verlossing te erken en dit te vra. Hy sal in My altyd ‘n liefdevolle Vader
vind wat Sy kind wil help, wat Self na Sy kind verlang en hom elke oomblik
ondersteun. Hy eerbiedig slegs die vrye wil van sy kind en dwing hom nie
om terug te keer nie. Maar dan sal hy ‘n ongelukkig lot ly tot die vrywillige
terugkeer na My plaasgevind het.
Ek IS ‘n God van liefde en genade. Maar regverdigheid wat ook deel van My
volmaakte aard uitmaak, laat My nie toe om julle van ‘n salig lot te
voorsien nie, omdat dit julle eie skuld was dat julle sondig geword het. Julle
moet eers versoening van julle skuld deur My Verlossing aanvaar, julle
moet My erken in Jesus Christus en tot die wil behoort vir wie Ek My bloed
aan die kruis gestort het. En waarlik julle sal nie meer van ‘n God van toorn
praat, wat julle genadeloos veroordeel nie. Julle sal My liefde self ervaar,
want Hy Wie julle sondeskuld van die verlede op Homself geneem het en
dit verlos het, wil weer met julle verenig en julle deurdring met Sy
liefdeskrag en julle sal geluksalig wees en bly vir alle ewigheid. Amen
Verandering van dood na lewe
7911 5 Junie 1961
Ek lei al die dode na die lewe. Want die oorsprong van alles, wat is, was
lewe. Dit was ‘n toestand van onophoudelike werksaamheid in lig en krag,
want die krag van My liefde, die diepste grondslag van alle bestaan,
deurstroom ook dit, wat as iets wesenliks van My uitgegaan het en die krag
moes nou ook werksaam word in ononderbroke werksaamheid. Die
werksaamheid bestaan uit voortdurende skep, maar oor die aard van die
skeppinge kan julle geen opheldering gegee word nie, omdat dit geestelike
skeppinge was, wat julle nog beperkte denke nie kan verstaan nie. Maar
hulle was werksaam en die werksaamheid was ‘n bewys van “lewe”.Toe die
wesens hulle van My afkeer, toe hulle hul verset teen die krag van My
liefde, verval hulle stadig-aan in ‘n toestand van werkloosheid en dus in ‘n
toestand van leweloosheid. Hulle verhard in hul substansie en word
onbeweeglik, star en tot geen enkele daad in staat nie. En hulle was nou
ook nie meer salig te noem nie. En in die doodse toestand bevind nog
tallose wesens hulle, wat eens as My skepsele van My uitgegaan het in alle
volmaaktheid, wat bomate salig was, omdat hulle in lig en krag onbeperk
kon werk. Maar het desondanks vrywillig hul volmaaktheid opgegee, toe
hulle hul teen My verset en die aanstraling van My liefde afweer, toe hulle
My teenstander, wat as eerste-geskape wese hom ook van My losgemaak
het, in die afgrond in volg. Nou kom hulle dus tereg vanuit die lewe in die
dood.
Maar Ek los hulle nie vir ewig in die toestand nie, Ek probeer om die dode
weer lewe te gee en Ek sal nie rus, tot Ek My doel bereik het nie en al die
eens van-My-afgevallenes weer tot My teruggekeer het. Tot hulle weer
lewend geword het. Maar die terugkeer na My toe is ‘n proses, wat
428