DEEL 3 - Nuweopenbaring::: Welkom by Die Nuwe Openbaring

afgewys, maar die dwaling graag aangeneem, die denke van die mense
raak in die war, daar is geen duidelikheid meer nie, geen Instemming, geen
ware begrip, alles wyk af van die suiwere waarheid en word tog as
waarheid verdedig deur die mense.
Maar die dwaling is ook in te sien deur elke mens wat die wil het om in die
suiwere waarheid vas te staan, omdat Ek hulle Self by staan, omdat Ek, die
ewige Waarheid, My aan elke mens skenk wat die waarheid begeer. Maar
die se goeie wil is ook ‘n vereiste en steeds kan hy My om verligting van
gees vra en Ek sal sy gebed verhoor.
Want die mens moet die verband kan insien en hy moet ook weet waar
waarheid en waar dwaling te vinde is. Ek is die Heer, Ek is Self die
Waarheid Ek is die Liefde. Ek het die mag om elke mense die waarheid te
laat toekom, maar Ek dwing geen mens om dit aan te neem nie omdat die
besit van die waarheid van die mens self afhang, in hoeverre hy dit begeer
en daar na streef of self daarom vra.
Maar dat My teenstander nie sal ophou om teen die waarheid te stry nie
staan vas en moet julle steeds bedag op wees dat julle, julleself bewustelik
alleen tot My moet wend as julle in die waarheid wil wandel. Amen
Geestelike nood van die naaste
7509 27 Januarie 1960
En wanneer julle, julleself bekommer oor julle naaste in sy geestelike nood
sal dit vir julleself tot seën word. Weliswaar is die leniging van die aardse
nood die gebod van die naasteliefde; dat julle vir hulle sal moet doen wat
julle sal wil dat dit vir julle gedoen word, wanneer julle, julleself in dieselfde
nood bevind. Maar ook in geestelike nood sal julle hom moet help en dit sal
sowel by sy siel, asook by julle siele effek hê. Want die geestelike nood is
nog heelwat erger as die aardse nood, omdat laasgenoemde eens ten einde
sal wees wanneer die aardse lewe verby is, maar die geestelike nood word
saam oorgeneem in die ryk hierna en het vir die siel ‘n uitwerking van
vreeslike kwelling.
En julle sal die naaste kan help in geestelike nood, wanneer julle hom in die
eerste plek help dat hy ‘n lewende geloof kry, wanneer julle hom op Jesus
wys, sonder Wie geen mens salig kan word nie. Wanneer julle naaste nog
heeltemal geen geloof het nie, bevind hy hom in groot geestelike nood en
dit sal vir julle nie maklik wees om hom te help om te glo nie. Maar julle sal
hom kan aanspoor om werke van liefde te verrig, julle sal hom vir eers so
kan beïnvloed, dat hy die liefde beoefen en dan sal dit hom ook al makliker
geval om dit te glo wat julle hom sal uiteensit. En dit is allereers die wete
oor Jesus en Sy verlossingswerk wat julle aan julle naaste, wat die kennis
nog nie besit nie, sal moet voorlê. En hy sal dit spoedig kan glo, wanneer
hy van goeie wil is en daarom ook werksaam is in die liefde.
263