DEEL 3 - Nuweopenbaring::: Welkom by Die Nuwe Openbaring

vul omdat julle anders My aanwesigheid nie sal soek nie, omdat julle, julle
anders van My verwyder sou hou en julle gedagtes na die wêreld laat keer.
Maar sodra julle die verbintenis met My tot stand bring deur innige
gedagtes, trek julle My ook na julle toe, want hierdie gedagtes tref My
omdat dit gees en lewe is wanneer dit My geld. En julle het nou innerlik ‘n
getuienis teenoor My afgelê, julle erken My weer, soos julle eens My julle
erkenning ontsê het. Maar hierdie afval van My bring julle geen
geluksaligheid nie. En armsalig is en bly julle solank julle ver van My
verwyder bly op grond van julle vrye wil.
Maar dat julle terugkeer na My deur die innige verbintenis in vrye wil, julle
nou geluksaligheid sal oplewer is heel begryplik en daarom sê Ek julle: julle
sal die vrede vind wat die wêreld julle nie kan gee nie. Die vrede van die
siel laat die mens al die liggaamlike ongemak verdra, hy voel dit nouliks en
is harmonies in sy dink en handel, want hy leef in vrede met My, hy is nie
meer My teenstander nie, hy het ‘n innige verbintenis met My, hy sien in
My sy Vriend, sy Broeder, sy Vader. En gevolglik weet hy dat hy in goeie
Hande is, hy hoef die wêreld nie meer te vrees nie en niks wat nog deel
uitmaak van die wêreld nie. En sy aardse lewe is nou alleen nog ‘n tyd van
loutering vir sy siel, wat helder en sonder laste sal binnegaan in die ryk
hierna wanneer sy uur geslaan het en hy sy liggaam verlaat en terugkeer
na My in sy Vaderhuis.
En waarlik, die loutering van julle siele sal vinnig en goed verloop as julle
steeds tot My julle toevlug neem, wanneer julle My nie uit julle gedagtes
loslaat nie. Wanneer julle wil dat Ek by julle aanwesig is en in innige gebed
ernstig My nabyheid soek, laat Ek My waarlik vind, want Ek Self wil met My
kinders verbind wees, Ek Self wil My aan hulle openbaar, wat steeds alleen
maar moontlik is, wanneer ‘n mens My deur stil, innige gebed aanleiding
gee om aanwesig te wees. Julle sal baie kan bereik deur in julle gedagtes te
vertoef by My, julle God en Vader van ewigheid, want al rig julle ook geen
versoek tot My nie, tog sal krag na julle in oorvloed stroom, wat julle ook
nodig het vir julle pelgrimstog op hierdie aarde.
Julle verleier sal julle steeds weer nader en julle van My wil afrokkel. Maar
besit julle krag uit My dan sal julle hom van julle kan weg stoot en dan het
hy geen mag meer nie, want vir My krag moet hy wyk en van julle afsien.
Versuim daarom geen geleentheid wat julle toevoer van krag oplewer nie.
Sluit julle steeds weer by My aan en verlang vurig na My teenwoordigheid.
Bly altyd in gedagtes verbind met My. Wil alleen by My wees en bly en
hierdie wil sal geseën wees. Julle sal bereik wat julle nastreef, julle sal
ontvang wat julle vra, Ek sal steeds naby julle wees en julle lei en alle weë
sal julle nou onbekommerd kan begaan. Solank julle My aan julle sy laat
gaan deur julle denke en wil, is julle onder goeie sorg en bereik julle ook
seker julle doel. Die kontak met My sal steeds inniger word tot julle eens
met My versmelt sal wees en bly tot in alle ewigheid. Amen
443