DEEL 3 - Nuweopenbaring::: Welkom by Die Nuwe Openbaring

staan, dog spoedig bied hy daartoe geen moontlikheid meer nie. En daarom
vind daar ‘n gewelddadige suiweringsaksie plaas en wat die teenstander
van God meen om te gewen het, word weer aan sy mag onttrek. Die nuwe
skeppings sal die gevalle geestelike weer opneem, die teenstander word
met sy aanhang gebind en dan sal daar op die nuwe aarde, wat waarlik as
‘n paradys sal verrys, vir al diegene wat God tot aan die einde toe trou bly,
weer vrede wees. Amen
Die seën van twyfel - Waarheid
6874 18 Julie 1957
Dat daar steeds weer twyfel in julle harte insluip is in soverre gunstig, dat
julle dan nadink oor vrae wat julle besighou en dat julle nou ook d.m.v.
gedagtes beïnvloed kan word deur die wesens wat probeer om julle twyfel
op te los. Bedoellende egter alleen sulke twyfel wat ‘n ernstige soeker
oorval, wat daartoe aanspoor om steeds meer te soek en te vra. Nie die
twyfel wat die onverskillige mense ‘n rede meen te gee om die kennis wat
hul aangebied word af te wys nie, omdat hulle dit heeltemal nie verlang nie
en wat daarom nooit met die bringer van die waarheid wil instem nie. Hul
twyfel is altyd alleen maar ontvlugting, ‘n vlug terug in die duisternis,
wanneer hul al eens die lig gebied was.
Ernstige soekers is egter nie dadelik tevrede nie en hul twyfel kan vir hulle
tot seën word as hulle die vrae nie nalaat nie. Juis die vrae gee die wesens
van die lig die moontlikheid om d.m.v. gedagtes op hulle in te werk, tot hul
denke tot opheldering gekom het en hulle tot sekerheid kom oor wat vir
hulle nog twyfelagtig lyk.
Die denkende mens sal ook meestal nie oppervlakkig wees nie, sodat hy
eenvoudig afwys wat hom nie geloofwaardig voorkom nie, hy ondersoek
diepgaande voordat hy ‘n leer wat tot hom kom geheel verwerp. Twyfel kan
dus tot opheldering lei, twyfel kan die aanneem van dwaling voorkom,
maar alleen as die mens hom beywer om in die waarheid te wandel.
Daarom is die mens wat sy twyfel laat hoor nie te veroordeel nie, want dit
getuig van ‘n opregte erns. Maar hy moet ook die moontlikheid benut en
nie rus voordat hy innerlik tot volle oortuiging gekom het nie, sodat hy dan
of die kennis as waarheid aanneem, of as dwaling kan afwys. En die twyfel
help hom daarmee om tot hierdie oortuiging te kom.
‘n mens wat homself vir wetend hou, kan nie meer onderrig word nie, want
hy open hom nie meer vir die stroom uit die ligwêreld nie. Hy laat alleen sy
verstand werk maar hy luister nie na dit wat hom deur die kennis
toegefluister word nie.
Maar ‘n mens wat twyfel, ondersoek, hy vra en glo om ook wel hierdie
twyfel op te kan los. En sodra hy ernstig na die waarheid verlang, kan hy
daarop vertrou dat sy denke dan ook reg gelei word, want die ernstige
14