DEEL 3 - Nuweopenbaring::: Welkom by Die Nuwe Openbaring

ding, dat nie hy nie, inteendeel Ek, al die reg op julle siele het en dat Ek My
nie meer sal laat ontruk van die wat hulself al vrywillig aan My oorgegee
het nie. Julle hoef daarom nie bang te wees dat hy julle in sy mag sal kry
nie; maar julle sal ook een ding nie mag vergeet nie: om julle voortdurend
inniger by My aan te sluit om in My aanwesigheid beskerm te wees teen sy
invloed. Elke innerlike onrus, elke opwinding, elke gevoel van vrees, is ‘n
teken van sy werke by julle en omdat hy homself daardeur verraai, hoef
julle slegs julle blik op My te rig en hy moet en sal wyk.
In die laaste tyd gaan sy inspanning selfs sover dat hy trag om die
verspreiding van die lig te verhinder op ‘n manier wat hom buitengewoon
sterk en magtig laat lyk en julle mense erg sal laat twyfel weens die
goddelike opdrag, om lig na julle medemens te bring. Dan moet julle steeds
weet dat dit die lis van My teenstander is, om julle in die war te bring. En
julle moet des te sterker wees om weerstand te bied, julle moet vas glo in
julle missie en steeds yweriger werk vir My en My Ryk. En spoedig sal sy
aanvalle afneem en julle geloof sal groei en daar sal ‘n innerlike rus oor
julle kom, want Ek plaas julle dan duidelik eenkant en seën julle arbeid.
Hoe nader dit na die einde toe gaan, des te hewiger sal sy aanvalle ook
wees, maar des te digter is Ek ook by julle en des te meer krag sal julle
van My ontvang. Hy kan julle niks doen nie, solank julle die verbinding soek
met My, hou daarom tog hierdie verbintenis steeds staande en laat My nie
uit julle gedagtes gaan nie en steeds minder sal sy invloed op julle kan
inwerk, julle sal hom van julle kan wegdring, slegs deur ‘n innige gedagte
aan My, Wat steeds in elke nood en elke gevaar by julle teenwoordig is.
Laat My julle eerste en laaste gedagte wees en waarlik, daar kan niks met
julle gebeur nie, want My engele behoed julle teen alle aanvalle van die
vyand van julle siele en hulle mag is groot en hulle wil is om My te dien en
dus ook almal wat Myne is en wil bly vir ewig. Amen
Die staat van verantwoordelik wees - Geopende
harte
7213 21 November 1958
Julle het deur ontelbare verblyfplekke gegaan. Julle kyk op ‘n
ontwikkelingsgang terug van eindelose tye, van ‘n tydruimte waarvoor julle
elke maat ontbreek omdat julle nie in staat is om so ‘n eindelose tydperk te
begryp nie. Maar julle het dit al agter julle omdat julle anders nie op hierdie
aarde sou wees nie. ‘n terugblik op hierdie tyd wat agter julle lê sal julle die
belangrikheid van julle aardse lewe beter laat begryp, maar dit sal nie goed
wees vir julle siele nie, want hy sal deur angs gedryf sy weg oor die aarde
gaan, as hy die vermoë sou besit om hom dit alles weer te herinner en die
eindelose kwellinge tot hom deurdring wat hy moes ondergaan, in die
tydsbestek van sy ontwikkeling omhoog.
148