DEEL 3 - Nuweopenbaring::: Welkom by Die Nuwe Openbaring

Maar die vaste geloof daaraan kan ‘n mens selde ophaal, want min mense
is met soveel liefde vervul dat hulle tot die klein kudde behoort wat Ek
plotseling en onverwags sal oproep. Maar eers sal nog ‘n tyd van nood oor
die aarde uitbreek, wat vir julle ‘n definitiewe teken sal wees dat die dag
nie meer ver is nie.
Wanneer julle die aktiwiteit van My teenstander baie duidelik sal kan
waarneem en julleself aan die bose dade van sy gekluisterdes blootgestel
sal wees, wanneer die nood groot word en daar geen uitweg meer moontlik
lyk nie, dan is die einde ook naby. Dan sal Ek deur My mag al die boosheid
op aarde vernietig en die wat Myne is van sekere ondergang red.
En die wat deur My weggeneem word, sal die ondergang van die ou aarde
belewe, al kan hulle self nie meer daardeur geraak word nie. Maar eers sal
hulle getuig van die strafgerig van ‘n regverdige God. Hulle sal die daad
van vernietiging kan aanskou en Hom nogtans loof en prys Wie hulle voor
die oordeel gered het.
En weer sal Ek ‘n skeppingsdaad verrig, want Ek sal weer ‘n nuwe aarde
laat ontstaan. ‘n Woonplek vir My klein kudde, vir My uitverkorenes. Hulle
kan nou in vrede en vryheid, in vreugde en saligheid en in lig en krag in die
paradys, waar geen leed en pyn meer is nie, ‘n totaal nuwe lewe ly. Want
die veroorsaker van al die kwaad is gekluister en sal vir lank nie die mense
meer kwel nie.
‘n Aardse periode sal dan ten einde loop en dan begin daar ‘n nuwe
periode, wat die tallose geestelike, wat nog gekluister is, omhoog sal lei om
die uiteindelike doel, naamlik die vereniging met My as My kind, te bereik.
En julle staan as mens voor hierdie gebeure, want die tyd wat vir julle
gestel was om vry te raak uit die vorm, is vervul. Amen
Die kortste weg is die weg via die Kruis
7300 6 Maart 1959
Ek wil julle die kortste weg wys wat na My lei, terug in die Vaderhuis. Dit is
die weg via die kruis, die weg na Jesus Wie My as die mens Jesus omhul
het, sodat Ek vir julle die verlossingswerk kon volbring, die werk van
genoegdoening vir julle vroeëre groot skuld van hulle wat hulle van My
afgewend het. Die werk van erbarming volbring My Liefde vir julle My
sondig geworde skepsele, wat hulself daardeur in die grootste ongeluk
gestort het en daaruit bevry moes word.
My Liefde wil vir julle die skuld oorneem en vir julle boete doen, want die
Liefde was die enigste wat hierdie groot skuld tot niet kon maak. Julleself
het van alle liefde afgesien, julle het elke toestraling van Liefde van My
kant afgewys, julle was heeltemal sonder enige liefde en omdat hierdie
groot oerskuld juis net met liefde weer goed te maak was, moes My Liefde
vir julle die skuld delg wanneer Ek wou, sodat julle ook weer vry kon word
en na My sou terugkeer. Julle het deur My verlossingswerk nou ook
181