DEEL 3 - Nuweopenbaring::: Welkom by Die Nuwe Openbaring

Gaan ‘n liggees nou - dus ‘n engel - ook die weg oor die aarde met die doel
om die kindskap van God te verkry, dan kom hy in dieselfde
omstandighede soos elke gevalle gees. Hy betrek ‘n liggaamlike omhulsel
wat uit meer of minder uitgerypte geestelike partikeltjies bestaan, want die
vlees behoort tot hierdie aarde. Die liggaam kan wel suiwerder wees en
minder weerstand teen My in homself hê, maar tog is dit stoflik. En dit laat
ook die weg oor die aarde tot ‘n swaar beproewing en tot ‘n wilstoets vir dié
siel wat in die liggaam woon, word. Want weerstande moet hy hê; ‘n ligsiel
moet ook die stryd deurstaan in die vlees; ‘n geveg wat hy steeds weer
met My teenstander sal lewer wat homself van die liggaam bedien, om die
siel op elke moontlike wyse aan te val.
Ook ‘n ligsiel sal daarom aan sterk versoekinge blootgestel wees. Want die
aardse liggaam bevind homself in die gebied van My teenstander en hy sal
verseker ‘n ligsiel buitengewoon in die noute bring om hom ook tot ‘n val te
bring, wat hom eertyds nie geluk het nie. Maar die buitengewone liefdeswil
van so 'n siel waarborg hom ook steeds die toevoer van krag van bo, want
hy gee nie die verbinding met My op nie. Hy word geweldig na My toe
getrek en die vurige verlange van sy liefde is ‘n sterk wapen in die stryd
teen die teenstander, waaruit hy ook as oorwinnaar tevoorskyn sal kom.
Julle mag egter nie glo dat ‘n liggees - ‘n nie-gevalle gees – hom by ‘n
ander gees wat geval het, kan aansluit om die weg oor die aarde te gaan
nie. Elke siel is ‘n oergees, geval of nie. Die gevalle oergees lê die
ontwikkelingsgang af, opgelos in ontelbare substansies, voordat hy homself
as mens mag beliggaam, voordat hy dus as "siel" ‘n menslike uiterlike vorm
kan betrek. Die nie-gevalle gees hoef nie opgelos te word nie, maar betrek
as siel van bo ‘n menslike omhulsel, soos ook die ligwesens, wat ‘n hoë
liggraad in die ryk hierna bereik het en nou terwille van ‘n missie opnuut
die weg oor die aarde wil aflê, met die doel om die kindskap van God te
bereik.
Sulke siele beliggaam hulself dus direk in die vlees, wat eens deur My
uitgestraalde kragstroom as “lewensasem" in die menslike liggaam ingaan
en gee die uiterlike vorm die lewe. Julle weet tog dat al die eens
geskapenes liefdeskrag is wat deur My uitgestraal is, wat deur My Wil tot
“Ek-bewuste” wesens geword het, wat nooit meer kan vergaan nie. Maar Ek
kan hierdie krag ook omvorm. Ek kan hierdie wesens oplos en ander
skeppings laat ontstaan as Ek ‘n doel voor oë het daarmee, voortkomend
uit My Liefde en wysheid.
Ek kan egter ook so 'n “Ek-bewuste” wese met ‘n menslike omhulsel
beklee, wanneer ‘n goeie resultaat deur My Liefde en Wysheid verwag
word. En elke siel, wat aangesien moet word as die eintlike lewe van ‘n
mens, is ‘n oergees, wat deur My eindelose Liefde die moontlikheid gekry
het op aarde om die kindskap van God te bereik, waarna elke wese wat
deur My geskape is, self moet strewe en dit self moet verwerf. Amen
475