DEEL 3 - Nuweopenbaring::: Welkom by Die Nuwe Openbaring

julle, julle wese verander tot liefde. Want julle laat julle wese, wat eens
suiwer liefde was, in die teendeel verkeer. Julle het die wese van My
teenstander aangeneem, wat heeltemal sonder liefde is en julle het julleself
daardeur van My verwyder. Maar julle was kinders van My Liefde, julle het
uit My Liefde voortgekom en Ek sal julle ewiglik nie prysgee of aan My
teenstander oorlaat nie, omdat My Liefde vir julle baie groot is. Julle sou
egter nooit die weg tot My teruggevind het as Ek julle nie vir die lewe op
aarde ‘n vonkie van My goddelike Gees - My Ewige Liefde - saam sou gegee
het nie. Want die geestesvonkie moet julle weer tot My terugvoer. Dit moet
julle aanspoor om na My toe te kom. Dit moet oor die liggaam seëvier en
die siel - julle eintlike Ek - na homself trek, sodat die siel homself kan
verenig met die gees en sodat die eenwording met My, met die Vadergees
van die Ewigheid kan plaasvind. Hierdie geestesvonk leef in julle maar hou
homself stil totdat julle homself deur julle wil die vryheid gee dat hy
homself kan uiter. En dan openbaar Ek Myself in julle. Dan is julle aardse
lewensdoel bereik en dan is julle lewe alleen maar net één enkele
dankgebed en lofprysing. Want dan het julle wese homself ook weer
verander tot liefde omdat My geestesvonk nie sonder liefde tot lewe sou
kon kom nie.
As My Gees Hom egter in julle kan uiter, dan blyk dit ook dat Ek Self in
julle teenwoordig is; en die bewys is gelewer dat die kind die weg
teruggevind het na die Vader, dat hy die wye kloof oorwin het wat hom
ewighede lank van die Vader geskei gehou het; dat hy nou weer deur My
liefdeskrag deurstraal word soos dit was in die allereerste begin. Amen
Die deurvoering van die heilsplan
7728 21 Oktober 1960
My heilsplan word so duidelik aan julle uitgelê dat julle ook My eindelose
liefde daarin kan sien, dat julle nie hoef te twyfel aan ‘n God van liefde nie,
selfs as julle die laaste vernietigingswerk op hierdie aarde in die heilsplan
moet betrek. Sou Ek ooit iets kan doen wat nie op My liefde gegrondves is
nie? Julle mense kan egter nie alles sien nie en tog sou My heilsplan van
ewigheid ‘n verduideliking moet wees vir dit wat julle verstand sou kan
weier om aan te neem. Alleen My eindelose liefde sit My daartoe aan om
My heilsplan uit te voer, wat My wysheid as reg insien en wat My almag ook
sal deurvoer op die regte tyd.
En julle mense mag nie dink dat julle My tot ander gedagtes kan bring nie,
want dit gaan nou nie meer alleen om die redding van die mense nie, maar
om ‘n fase in die ontwikkeling van al die geestelike, wat weer opnuut begin
en ‘n nuwe verlossingsperiode inlei. Dit gaan om ‘n nuwe orde van al die
geestelike en om ‘n skeiding van die geeste, wat hulle reeds in die stadium
van die ek-bewussyn bevind en ooreenkomstig hul toestand daarheen
geplaas word, waar hulle volgens hul volwassenheid behoort.
353