DEEL 3 - Nuweopenbaring::: Welkom by Die Nuwe Openbaring

vind, omdat Ek nog elke siel wil red wat ernstig na My verlang, sodat hulle
nie weer verlore gaan vir eindelose lang tye nie.
Die geestelike vervlakking van die mense is aanleiding tot moeilike slae van
die noodlot wat nog oor die mense sal uitbreek om hul denke te verander,
sover as dit maar moontlik is. Die verganklikheid van aardse goedere laat
nog vele tot besinning kom en ernstig die toestand van hul siel oordink.
Maar steeds bly die wil vry, die weg na My moet hulle heeltemal
onbeïnvloed neem. Maar vir hulle is hul redding seker wanneer hulle hierdie
weg gaan, maar dit gaan alleen om die heil van hul siele, nie oor hul
liggaamlike welsyn nie.
Dit gaan alleen maar daarom, dat hulle Myself erken, dat hulle in My glo,
wat hul bewys deur ‘n roep na My in gees en in waarheid. Hulle sal dan
gered wees vir die verderf, hulle sal deur My liefdevolle Vaderhand
vasgehou en van die hande van My teenstander ontruk word, wat teenoor
die vrye wil van die mens magteloos is, omdat hy daardeur sy aanspraak
op hierdie siel verloor.
En waarlik, elke mens is geseën wat nog voor die einde My kant kies, wat
in sy nood sy toevlug neem tot My en hom deur My Liefde laat vashou.
Want Ek sal hom nie meer laat los nie en hy sal My ewig dankbaar wees dat
Ek tot aan die einde om sy siel geworstel het, dat My Liefde niks onbeproef
laat, om hom vir ewig te wen nie. Amen
Liefde - Kennis - Waarheid
8031 3 November 1961
Ek sal groot kennis vir julle ontsluit, as julle sal toelaat dat Ek My aan julle
openbaar, want hierdie belofte het Ek julle gegee toe Ek op aarde geleef
het, dat Ek julle met die waarheid sal bekendmaak. En dit beteken, dat Ek
julle ‘n sodanige kennis wil laat toekom, dat julle, julleself nie meer in
duisternis van gees hoef te bevind nie, dat julle, al is dit in die begin slegs
gering, insig sal verkry, dat julle opheldering gegee word oor Myself en julle
verhouding tot My.
In totale onwetendheid het julle die aarde as mens betree en dit is ‘n
toestand van geestelike duisternis wat julle waarlik nie gelukkig kan stem
nie. En in hierdie duisternis kan julle nie die weg na My vind nie, wat julle
tog tydens julle lewe op aarde moet doen, omdat julle terugkeer na My, die
enigste doel van julle aardse lewe is. Dus moet die duisternis eerstens
verdrywe word, daar moet ‘n klein ligvonkie in julle begin straal en julle
moet langsaam in kennis binnegelei word oor julle God en Skepper en dat
julle van Hom uitgegaan het. Julle moet aanwysings ontvang oor Sy Wil en
die gevolge van die vervulling van hierdie Wil. Julle moet die gebooie van
die liefde tot God en die naaste leer ken en weet dat julle saligheid van die
vervulling daarvan afhang. Dat dit die doel en die betekenis van julle
485