DEEL 3 - Nuweopenbaring::: Welkom by Die Nuwe Openbaring

Dit is moeilik om dit vir julle mense begryplik te maak dat dit vir ‘n
volmaakte wese selfs moontlik was om te val, omdat volmaaktheid lig, dws.
volledig insig beteken. Maar juis die wete om krag in oorvloed te hê, laat
die wese meer aan die krag in hom dink as aan die lig en die volheid van
krag laat hom maklik arrogant word, waardeur die lig direk vertroebel
word.
Die wese, Lucifer, was instaat om steeds, nuwe skeppings buite hom te
plaas, net soos Ek en hy begin My as Oerbron van krag uit sy gedagtes te
verdring. Hy wil die verhouding wat hy tot My het as afhanklike wese, nie
meer erken nie en toe hy eenmaal hierdie gedagte opgevat het, verloor hy
ook die insig oor die ontsettende gevolge van hierdie rigting van sy wil.
‘n Vry, buite My geplaasde, wese moes egter ook hierdie vryheid hê, om
homself in sy wese te kan verander, want die volmaaktheid mag vir die
wese geen toestand van dwang beteken nie, omdat hy anders waarlik nie
as My ewebeeld genoem sou kon word nie. Maar hierdie vryheid om
homself te verander, sal die wese ook altyd behou en daarom kan hy ook
vanuit die vry verkose en veroorsaakte onvolmaaktheid weer tot die
hoogste volmaaktheid kom, om dan eens die deur My nagestreefde doel te
bereik, dat hy My kind word en ook ewig sal bly.
Nooit sou Ek vir My sulke "kinders" kan skep nie, omdat die Goddelike
kenmerk, die vrye wil, self werksaam moet word, dat dus die skepsel in die
deur My aan hom geskenkte volmaaktheid in vrye wil ook wil bly, of, as hy
hierdie wilsproef nie deurstaan nie, homself weer die graad van
volmaaktheid moet verwerf wat hy eens in vrye wil weggegee het.
Wie die misterie begryp, die sal ook My heilsplan van ewigheid begryp en
hy sal weet dat alleen die oneindige Liefde en Wysheid so'n plan kan
ontwerp, omdat Ek die deur My geskape wesens ‘n lot wil berei, wat die
hoogste geluksaligheid vir ewig beteken. En My Liefde, Wysheid en Almag
sal so lank die doel nastreef, tot dit bereik is, tot elke uit My voortgekome
wese in hoogste saligheid aan My sy kan skep en werk, soos dit My plan
van ewigheid is. Amen
God se weë is nie altyd die weë van die Mens nie
6993 14 Desember 1957
Julle weë is nie altyd My weë nie. Dikwels is julle nie op hoogte van die
doel, wanneer julle ‘n weg bewandel nie, maar Ek weet waar dit heen lei en
dring julle dikwels sag op ‘n ander weg. En gee julle toe aan hierdie drang,
dan sal julle ook verseker die ware doel bereik. Maar dikwels is julle
weerstand te groot, julle eie wil is sterker en julle let nie op die sagte
aandrang wat van My uitgaan nie. Dan moet Ek julle laat gaan, omdat Ek
julle wil nie met geweld wil breek nie. En dan is julle ook in gevaar om die
verbintenis met My te verloor, omdat dit nog nie sterk genoeg aangeknoop
was nie en julle jul self nog nie heeltemal aan My leiding oorgegee het nie.
54