DEEL 3 - Nuweopenbaring::: Welkom by Die Nuwe Openbaring

Meer verlang God nie van julle, as alleen die liefde tot Hom en tot die
naaste nie. En as julle van goeie wil is dan moet julle daaroor nadink in
hoeverre julle die Wil van God nakom in julle dagelikse lewe, julle sal dan
nog baie ontdek wat nie na Gods Wil is nie, sodra julle, julle lewenswandel
aan ‘n ernstige kritiek onderwerp en eerlik is teenoor julleself. Want die
mens leef nog te veel in eieliefde, hy dink meer aan homself as aan sy
naaste en tog moet hy die naaste dieselfde liefde betoon as wat hy homself
skenk. En dit vereis die vaste wil van die mens, die wil om volmaaktheid te
bereik en homself aan die Wil van God te onderwerp.
Maar die ryk van die hemele ly geweld en alleen wie geweld teen sy eie
hartstog en begeertes gebruik, trek dit na hom toe. Die wil moet sterk
genoeg wees en bly volhou om hom te verset teen alle verlangens wat
strydig is met God, dan gebruik die mens geweld om die hemelryk te
verwerf.
En tog het Jesus die mense die belofte gegee: My juk is sag en My las is lig.
En ook dit is waar, want vir ‘n mens wat liefdevol wil wees, sal dit maklik
wees om die gebooie van God te vervul, hy sal hom geen groot geweld hoef
aan te doen nie omdat die liefde in hom is en die liefde die krag is en hy so
met sekerheid die hemelryk sal verwerf omdat dit hom nie meer ontbreek
aan die standvastigheid van wil deur sy lewe in liefde nie.
En daaroor moet julle ernstig nadink in hoeverre julle nog geweld teen
julleself moet gebruik of dat dit al deel van julle wese geword het, om
vanselfsprekend liefdedienste te verrig vir julle naaste En dan sal julle ook
weet wat vir julle nodig is. Dan moet julle in die eerste plek God om krag
vra om Sy eis na te kan kom omdat ‘n deur God gewilde liefdeslewe julle
nog swaar geval. En die gevraagde krag sal julle toegestuur word. En wat
in die begin nog groot overwinning kos, word vir julle dan makliker en sal
deur julle nie meer as 'n las gevoel word nie. Julle sal nie meer onder ‘n juk
gebuk gaan waarvan die dra julle te swaar voorkom nie. Julle sal geen las
meer voel, omdat julle deur die liefde aanhoudend krag uit God trek en
julle dan ook maklik die werk aan julle siele gedoen kry wat julle nodig het
om die ewige lewe te kan lei in lig en krag en geluksaligheid. Maar eers
moet julle, julleself goed onderhande neem, sodat die uur van julle dood
julle nie verras en julle siele arm en ellendig die ryk hierna moet binnegaan
nie. Want nie een van julle weet wanneer julle uur gekom het nie. Amen
Eindvermaning
7364 16 Mei 1959
Met die oog op die naderende einde word julle steeds weer vermaan om
julleself oor julle eintlike opdrag te besin, wat die volwasse word van julle
siele betref en nie die vervul van liggaamlike behoeftes nie. Julle moet
steeds bewus wees dat elke dag vir julle die laaste kan wees, dat julle die
volgende dag reeds geen aardse goedere meer ten dienste kan staan nie en
208