Ársskýrsla 2007 - BTB

Ársskýrsla 2007
98
Innri endurskoðun bankasamstæðunnar þjónar sem sjálfstæður og óháður eftirlitsaðili
og ráðgjafi. Hlutverk innri endurskoðunar er að hafa eftirlit með starfsemi
bankans og koma með tillögur að úrbótum. Kerfisbundið og reglulegt mat
innri endurskoðunar gerir Landsbankanum kleift að auka skilvirkni áhættustýringar,
eftirlits og stjórnarhátta og færir bankann þannig nær markmiðum sínum.
Bankaráð skipar innri endurskoðanda og heyrir hann beint undir bankaráð samkvæmt
sérstöku erindisbréfi, í samræmi við lög um fjármálafyrirtæki og samþykktir
Landsbankans. Innri endurskoðandi fer með innri endurskoðun Landsbankans
í samræmi við viðurkenndar innri endurskoðunarreglur og viðmið. Hluti
af skyldum innri endurskoðanda er að ráðleggja bankaráði á sviði endurskoðunar,
innra eftirlits, áhættustýringar og –skuldbindinga. Einnig beinir innri endurskoðandi
tillögum um úrbætur eða nýjar reglur á þessum sviðum til bankaráðs og
bankastjóra. Innri endurskoðun framkvæmir úttektir og rannsóknir samkvæmt
beiðni eða í samvinnu við bankaráð og bankastjóra og ber ábyrgð á innri endurskoðun
samstæðunnar í heild.
Innri endurskoðun metur einnig hvort fullnægjandi og skilvirkt eftirlit sé með
stjórnarháttum, starfsemi og upplýsingakerfum bankans. Þetta mat tekur til áreiðanleika
og heildstæðis upplýsingagjafar í tengslum við fjárhag og rekstur, skilvirkni
og áhrifa starfseminnar og eignavörslu. Einnig er lagt mat á hvort ákvæðum laga,
reglna og samninga sé fylgt í starfseminni.
Starfsáætlun innri endurskoðunar er háð samþykki endurskoðunarnefndar
bankaráðs.