Ársskýrsla 2007 - BTB

133 Landsbankinn
2.14 Óáþreifanlegar eignir
(a) Viðskiptavild
Viðskiptavild endurspeglar þá fjárhæð kaupverðs sem er umfram gangvirði hluta samstæðunnar í hreinum aðgreinanlegum eignum yfirtekins dótturfélags/hlutdeildarfélags
á yfirtökudegi. Viðskiptavild vegna samruna og kaupa dótturfélaga er hluti af óefnislegum eignum samstæðunnar. Viðskiptavild
vegna kaupa á hlutdeildarfélögum er innifalin í bókfærðu verði fjárfestinga hlutdeildarfélaga. Viðskiptavild er metin árlega með tilliti til virðisrýrnunar
og bókfærð á kostnaðarverði að frádregnu uppsöfnuðu virðisrýrnunartapi. Söluhagnaður eða -tap við ráðstöfun dótturfélags/hlutdeildarfélags innifelur
bókfærða fjárhæð viðskiptavildar sem því tengist.
Viðskiptavild er skipt á fjárskapandi einingar í því skyni að meta hana með tilliti til virðisrýrnunar.
(b) Hugbúnaður og aðrar óáþreifanlegar eignir
Hugbúnaðarleyfi sem hafa verið keypt eru eignfærð miðað við þann kostnað sem stofnað var til við að kaupa og koma þessum tiltekna hugbúnaði í
notkun. Kostnaðurinn er afskrifaður á áætluðum nýtingartíma (fimm ár).
Kostnaður við þróun eða viðhald hugbúnaðar er gjaldfærður þegar kostnaðurinn fellur til.
Aðrar óáþreifanlegar eignir eru viðskiptasamningar sem eru hluti af kaupum á rekstrareiningum og eru gjaldfærðir á nýtingartíma þeirra (áætlaður tími
er 15 ár)
2.15 Rekstrarfjármunir
Allir rekstrarfjármunir eru færðir á kostnaðarverði að frádregnum afskriftum. Upphaflegt kostnaðarverð felur í sér kostnað sem rekja má beint til kaupa
á þessum eignum.
Kostnaður sem fellur til eftir upphafleg kaup er einungis eignfærður þegar líklegt er að efnahagslegur ávinningur í framtíðinni muni renna til samstæðunnar
og unnt er að meta kostnaðarverðið með öruggum hætti. Viðhald og viðgerðir eru gjaldfærð í rekstrarreikning á því tímabili sem til þeirra er
stofnað.
Lóðir eru ekki afskrifaðar. Afskrift annarra eigna er reiknuð með beinlínuaðferð til að dreifa kostnaði þeirra að frádregnu hrakvirði á nýtingartíma þeirra
með eftirfarandi hætti:
Húseignir
Tölvubúnaður
Aðrir lausafjármunir
25-100 ár,
3-5 ár,
3-10 ár.
Hrakvirði eigna og nýtingartími er endurskoðað árlega og leiðrétt ef það á við
Söluhagnaður og –tap af rekstrarfjármunum er mismunur á söluverði fjármunar og bókfærðu verði hans á söludegi. Söluhagnaður og –tap er fært í
rekstrarreikning.
2.16 Virðisrýrnun annarra eigna en fjáreigna
Eignir sem hafa ótilgreindan nýtingartíma eru ekki afskrifaðar en eru háðar árlegu virðisrýrnunarprófi. Eignir sem almennt eru afskrifaðar eru metnar með
tilliti til virðisrýrnunar þegar atvik eða breyttar aðstæður benda til þess að bókfært verð verði ekki endurheimt. Virðisrýrnun eignar hefur átt sér stað þegar
bókfært verð er hærra en endurheimtanlegt verð hennar. Endurheimtanlegt verð er gangvirði að frádregnum sölukostnaði eða nýtingarvirði hvort sem
hærra er. Við mat á virðisrýrnun eru eignir flokkaðar miðað við lægsta greinnlega sjóðstreymi (sjóðstreymiseiningar). Virði annarra ófjárhagslegra eigna
en viðskiptavildar sem hefur rýrnað er endurmetið með tillti til mögulegrar hækkunar á hverjum reikningsskiladegi.
2.17 Fastafjármunir og eignasamstæður í sölumeðferð
Fastafjármunir til sölu eru fullnustueignir sem eru í söluferli og eignasamstæður sem flokkaðar hafa verið sem eignir sem áformað er að selja. Skuldir
eignasamstæðu sem ætlaðar eru til sölu eru sérgreindar í efnahagsreikningi. Einstakar eignir meðal fastafjármuna sem ætlaðir eru til sölu eru metnar á
bókfærðu verði eða gangvirði að frádregnum sölukostnaði, hvort sem lægra er.
2.18 Leigusamningar
(a) Félög samstæðunnar eru leigutakar
Leigusamningar sem samstæðan á aðild að eru aðallega rekstrarleigusamningar s.s. húsaleigusamningar. Heildargreiðslur fyrir rekstrarleigu eru færðar
línulega í rekstrarreikning á tíma leigusamningsins.
Þegar rekstrarleigusamningi er rift áður en leigutíminn er útrunninn, er hver sú fjárhæð sem greidd er leigusala gjaldfærð á því tímabili sem riftun á sér
stað.
(b) Félög samstæðunnar eru leigusalar
Fjármögnunarleigusamningar eru færðir til eignar sem kröfur miðað við núvirði leigugreiðslna. Mismunurinn á heildar kröfunni og núvirði kröfunnar er
fært sem áfallnar tekjur. Leigutekjur eru færðar til tekna yfir tímabil leigusamningsins með aðferð sem endurspeglar stöðugt, reglubundið arðsemishlut
2.19 Handbært fé og ígildi þess
Handbært fé og ígildi þess er skilgreint í sjóðstreymi sem reiðufé og óbundnar innstæður hjá Seðlabanka og kröfur á aðrar fjármálastofnanir.
Milljónir króna