Ársskýrsla 2007 - BTB

67 Landsbankinn
í Madrid. Þar er undirbúningur vel á veg kominn og leyfi fengin og þar á að koma
á fót uppsetningarteymi til að treysta stöðu Landsbankans enn frekar á þessum
markaði. Landsbankinn hefur fengið orð á sig fyrir að veita áreiðanlega þjónustu og
hefur þegar byggt upp traust samband við marga af stærstu fjárfestum heimsins.
Með þátttöku í sjóðstreymislánum hefur Landsbankinn byggt upp stórt eignasafn
og komið sér upp traustu tengslaneti sem nær til allra helstu fjárfestingarbanka á
þessu sviði. Með því að starfa á öllum helstu lánamörkuðum er bankinn í stöðu til
að nýta sér bestu tækifærin sem gefast á hverjum tíma. Lánasafn sjóðstreymislána
dreifist á mörg lönd og atvinnugreinar og endurspeglar vel almennt framboð á
þessum lánum í Evrópu. Með því að efla starfsemi og þekkingu á þessu sviði hefur
Landsbankanum tekist að opna leiðir til að fá samstarfsaðila að lánum sem hann
hefur stillt upp sjálfur. Þannig fæst bæði öflugt tekjustreymi samtímis því að fjölbreytni
í lánasafnsins eykst.
Hráefnis- og birgðafjármögnun
Landsbankinn hefur alltaf leitast við að veita sjávarútvegsfyrirtækjum alhliða fjármálaþjónustu,
bæði á Íslandi og erlendis. Landsbankinn hefur getið sér gott orð
meðal alþjóðlegra fyrirtækja sem vinna sjávarafurðir og hefur styrkt stöðu sína
sem leiðandi sjávarútvegsbanki.
Ein helsta varan, sem Landsbankinn býður alþjóðlegum sjávarútvegsfyrirtækjum,
er hráefnis- og birgðafjármögnun (e. Trade Finance) sem nær yfir alla virðiskeðjuna
frá framleiðslu til endanlegrar afhendingar. Hér hefur Landsbankinn búið
til einstæða vöru sem auðveldar fyrirtækjum að efla viðskipti sín hraðar og með
skilvirkari hætti en ella. Starfsemi bankans í hráefnis- og birgðafjármögnun hefur
verið afar árangursrík og starfa teymi á þessu sviði í Reykjavík, London, Amsterdam,
Halifax og Hong Kong. Meðal viðskiptavina eru stærstu sjávarútvegsfyrirtæki
frá helstu sjávarútvegsmiðstöðvum heimsins og búist er við örum vexti
á þessu sviði. Bankinn hefur byggt á þessari sérhæfingu við að veita sjávarafurðafyrirtækjum
hráefnis- og birgðafjármögnun og aðlagað þessa vöru að öðrum
hrávöruiðnaði um allan heim. Þar má nefna landbúnaðarvörur eins og sykur, kaffi,
maís og sojabaunir. Eins er um að ræða málma eins og ál og stál. Þó að áherslan
verði áfram aðallega lögð á sjávarafurðir mun þessi þjónusta einnig ná til annarrar
hrávöru í náinni framtíð.
Markaðshlutdeild Landsbankans í fyrirtækjalánum
innanlands, sterkustu greinar
2007 2006
Fyrirtækjalán 43% 40%
Verslun 60% 54%
Fiskveiðar 50% 47%
Byggingarstarfsemi 45% 39%
Þjónusta 42% 40%
Fiskvinnsla 33% 40%
Árið 2007 treysti Landsbankinn möguleika sína við hráefnis- og birgðafjármögnun
með því að ráða til starfa í London teymi fólks með afar mikla reynslu á þessu sviði.
Teymið í London ber ábyrgð á þessari þjónustu í Evrópu, Suður-Afríku og Austur-
Evrópuríkjunum. Teymið veitir alhliða þjónustu í hráefnis- og birgðafjármögnun,
þar á meðal skjalaábyrgðir og tengingu hráefnis- og birgðafjármögnunar við sam-