Ársskýrsla 2007 - BTB

Ársreikningur 2007
134
2.20 Óvissar skuldbindingar
Skuldbindingar vegna endurskipulagningar og deilumála eru færðar í reikningsskilin þegar (i) lögformleg eða væntanleg skuldbinding er á samstæðunni
vegna fyrri atvika; (ii) meiri líkur en minni eru á því að fjármunum verði ráðstafað til þess að mæta skuldbindingunni; (iii) og hægt er að áætla fjárhæðina
með áreiðanlegum hætti.
Skuldbindingar eru metnar á núvirði þeirra gjalda sem ætlað er að þurfi til að gera upp skuldina þar sem notaður er afvöxtunarstuðull fyrir skatta sem
endurspeglar núverandi mat markaða á tímavirði peninga og þeirrar áhættu sem einkennir skuldbindinguna. Hækkun á skuldbindingunni vegna tímans sem
líður er færð sem vaxtagjöld.
2.21 Fjárhagslegar ábyrgðir
Samningar um fjárhagslegar ábyrgðir eru samningar sem krefjast þess að útgefandi inni af hendi tilteknar greiðslur til að bæta samningshafa tap sem
hann verður fyrir ef tiltekinn skuldari stendur ekki við greiðslur á tilskildum tíma, samkvæmt skilmálum skuldasamnings. Bankar, fjármálastofnanir og aðrir
aðilar fá slíkar fjárhagslegar ábyrgðir frá viðskiptavinum til tryggingar á láni, yfirdrætti og öðru
Fjárhagslegar ábyrgðir eru upphaflega færðar í reikningana á gangvirði þess dags sem samningurinn var gerður. Eftir upphaflega færslu eru skuldir samstæðunnar
vegna slíkra ábyrgða metnar sem hærra gildið, annars vegar af upphaflegu mati, án afskrifta, sem skipt er línulega á tíma samningsins og fært
meðal þjónustutekna í rekstrarreikningi, og hins vegar besta mati á útgjöldum vegna uppgjörs á hvers konar fjárhagslegum skuldbindingum sem stofnast
á reikningsskiladegi. Slíkt mat ákvarðast á grundvelli reynslu af sams konar viðskiptum og tapi, ásamt mati stjórnenda.
2.22 Starfskjör
(a) Eftirlaunaskuldbindingar
Félög samstæðunnar haga lífeyrismálum sínum með ýmsum hætti. Flest félög samstæðunnar eru með reglubundnar greiðslur þar sem félögin greiða í
almenna sjóði eða séreignasjóði og er þá ýmist um að ræða skyldusparnað, samningsbundinn sparnað eða frjálsan sparnað. Ekki hvíla frekari greiðsluskuldbindingar
á samstæðunni eftir að framlögin hafa verið greidd. Framlögin eru færð sem gjöld vegna réttinda starfsmanna á gjalddaga í hverjum
mánuði.
Nokkur félaga samstæðunnar hafa réttindatengda lífeyrissjóði. Réttindatengdur lífeyrissjóður er sjóður sem skilgreinir ákveðna lífeyrisfjárhæð sem starfsmaður
fær við starfslok og fer hún venjulega eftir einum eða fleiri þáttum, svo sem aldri, starfsaldri og launum.
Skuldin sem færð er á efnahagsreikninginn vegna lífeyrisgreiðslna reiknast sem núvirði skilgreindra lífeyrisskuldbindinga á uppgjörsdegi að frádregnu
gangvirði eigna sjóðsins ásamt leiðréttingum vegna tryggingafræðilegs hagnaðar eða taps sem ekki er fært til bókar ásamt réttindatengdum kostnaði
vegna fyrri tímabila. Réttindatengdar lífeyrisskuldbindingar eru reiknaðar út árlega af sjálfstætt starfandi tryggingastærðfræðingum sem núvirða réttindin
með því að beita aðferðinni sem miðar við áunnin réttindi. Núvirði réttindatengdrar lífeyrisskuldbindingar er ákvörðuð með því að afvaxta áætlað
framtíðarsjóðsstreymi með vöxtum skuldabréfa fyrirtækja, sem hafa traust lánshæfismat, í þeim gjaldmiðli sem lífeyrinn verður greiddur í og hafa svipaðan
líftíma og viðkomandi lífeyrisskuldbinding.
Tryggingafræðilegur hagnaður eða tap vegna breytinga á reynslugrunni og tryggingafræðilegum forsendum sem samsvarar meira en hærri fjárhæðinni af
annars vegar 10% af verðgildi eigna sjóðsins eða hins vegar 10% af réttindatengdum lífeyrisskuldbindingum er gjaldfært eða tekjufært meðan á áætluðum
eftirstandandi meðalstarfstíma stendur. Réttindatengdur kostnaður vegna fyrra tímabils er færður beint undir rekstarkostnað nema viðbætur við lífeyrinn
séu háðar því að starfsmenn haldi áfram störfum í tiltekinn tíma (ávinnslutími). Í þeim tilvikum er réttindatengdur kostnaður vegna fyrri tímabila afskrifaður
línulega á ávinnslutímanum..
(b) Kaupréttarsamningar
Samstæðan hefur gert kaupréttarsamninga við starfsmenn sína sem gerir þeim kleift að eignast hlut í bankanum. Kaupréttur er í samræmi við markaðsverð
hlutafjár þegar kaupréttarsamningur er gerður. Kostnaður vegna kaupréttarsamninga er gjaldfærður á kaupréttartímabilinu í samræmi við samnings-ákvæði.
Allir kaupréttarsemaningar eru gerðir upp með hlutafé og samstæðan gjaldfærir núvirði fenginnar þjónustu á því tímabili sem hún er látin af hendi.
Samstæðan notar Black-Scholes verðmatslíkan til þess að ákvarða núvirði gerðra kaupréttarsamninga. Mikilvægustu stærðirnar í líkaninu eru gangvirði
hlutabréfa á samningsdegi, dreifing og flökt í arðsemi, arðsemishlutfall og vaxtahlutfall áhættulausra vaxta.
2.23 Frestaður tekjuskattur
Frestaður tekjuskattur er færður að fullu til skuldar sem tímabundinn mismunur milli skattverðs eigna og skulda og bókfærðra fjárhæða þeirra í samstæðureikningsskilunum.
Frestaður tekjuskattur er hins vegar ekki færður ef hann myndast vegna upphaflegrar færslu eignar eða skuldar í öðrum viðskiptum
en sameiningu fyrirtækja sem hefur hvorki áhrif á reikningshaldslegan né skattskyldan hagnað eða tap. Frestaður tekjuskattur er ákvarðaður með
því að nota skatthlutföll sem hafa verið lögleidd eða efnislega lögleidd fyrir dagsetningu efnahagsreiknings og vænst er að verði í gildi þegar viðkomandi
frestuð skattinneign er innleyst eða frestuð tekjuskattskuldbinding er gerð upp.
Meginhluti tímabundins mismunar er til kominn vegna endurmats tiltekinna fjáreigna og -skulda, þar á meðal afleiðusamninga, og afskrifta af rekstrarfjármunum.
Tímabundinn mismunur á einnig við um frestað skattalegt tap ásamt mismuninum á gangvirði keyptra eigna og skattalegu verði þeirra.
Frestuð skattinneign er færð þegar líklegt er að tímabundinn mismunur nýtist á móti skattalegum hagnaði í framtíðinni.
Frestaður tekjuskattur sem er til kominn vegna tímabundins mismunar tengdum fjárfestingum í dóttur- og hlutdeildarfélögum er færður i samstæðureikningsskilin.
Það er þó ekki gert þegar samstæðan ræður tímasetningu viðsnúnings tímabundins mismunar og líklegt er að hann muni ekki snúast við
í fyrirsjáanlegri framtíð
Skattáhrif yfirfæranlegs skattalegs taps eru færð til eignar í þeim tilfellum þar sem líklegt er talið að það muni nýtast á móti skattskyldum hagnaði í
framtíðinni.
Milljónir króna