Ársskýrsla 2007 - BTB

Ársskýrsla 2007
114
Framkvæmdastjórar dótturfyrirtækja
og erlendra starfsstöðva Landsbankans
Baldvin Valtýsson, yfirmaður útibús Landsbankans í London útskrifaðist með
cand. oecon. gráðu frá Háskóla Íslands árið 1990 með stjórnun fyrirtækjaviðskipta
sem sérsvið. Baldvin varð yfirmaður útibús Landsbankans í London 30. apríl 2007.
Áður starfaði hann hjá Fyrirtækjasviði Landsbankans á Íslandi frá 2003. Þar áður
vann Baldvin hjá Búnaðarbanka Íslands þar sem hann hafði umsjón með útlánum
til fyrirtækja. Baldvin var bæjarritari á Siglufirði frá 1991 til 1996 og starfaði hjá
ferðaskrifstofunni Samvinnuferðir-Landsýn frá 1996.
Gunnar Thoroddsen, framkvæmdastjóri Landsbanki Luxembourg SA, útskrifaðist
sem lögfræðingur frá Háskóla Íslands 1994 og lauk LLM gráðu frá Duke University
School of Law í Bandaríkjunum 1998. Hann lauk MBA gráðu frá Háskólanum
í Reykjavík árið 2002 og varð einnig héraðsdómslögmaður. Áður en hann varð
framkvæmdastjóri Landsbanki Luxembourg 2004 var hann forstöðumaður Sértækra
útlána og framkvæmdastjóri Hamla hf., dótturfélags Landsbankans.
John Conroy, forstjóri Merrion Landsbanki, lauk verkfræðinámi frá University
College Dublin 1981 og MBA prófi frá Trinity College Dublin 1986. Áður en hann
stofnaði Merrion Capital Group með samstarfsmönnum sínum starfaði hann í um
20 ár við hlutabréfasölu og fjárfestingar, var sérfræðingur í greiningu og síðar
yfirmaður eigin fjárfestinga hjá NCB Stockbrokers. Conroy er virkur í írsku viðskiptalífi
og situr í stjórn eircom, stærsta ljósvakafélags Írlands.
Kjartan Georg Gunnarsson, framkvæmdastjóri SP-fjármögnunar hf., lauk prófi í
viðskiptafræði frá Háskóla Íslands 1983. Hann tók við starfi framkvæmdastjóra hjá
SP-Fjármögnun 1995. Áður starfaði hann hjá Fjárfestingafélagi Íslands 1985-1987
og sem framkvæmdastjóri hjá Féfangi frá 1987 þar til hann kom til starfa hjá
SP-Fjármögnun. Hann hefur verið formaður stjórnar Varðar Vátryggingafélags hf.
síðan 2006.