Ársskýrsla 2007 - BTB

101 Landsbankinn
Samfélagsleg ábyrgð
Landsbankinn á sterkar rætur á Íslandi en síðastliðin ár hefur
bankinn þróast og orðið alþjóðlegri. Þannig bregst bankinn við
breyttu viðskiptaumhverfi í kjölfar hnattvæðingar. Breytingarnar
eru víðtækar og fela í sér að bankinn er ábyrgur gagnvart
sífellt fjölbreyttari hluthafahópi. Af þessu leiðir að samfélagsleg
ábyrgð Landsbankans tekur nú til hópa sem hafa talsvert
breyst og eru stærri en á undanförnum áratugum.
Helstu þættir í stefnu Landsbankans um samfélagslega ábyrgð eru:
• Forsjál náttúru- og auðlindastefna auk virkrar þátttöku í samstarfi um
samfélagslega ábyrgð fyrirtækja á alþjóðavettvangi
• Öflug fjárfestingarstefna, byggð á siðferðilegum viðmiðum
• Áhrifaríkar innanhússreglur um samfélagslega ábyrgð
• Rausnarlegar skattgreiðslur
• Mikill fjárhagslegur stuðningur við samfélagið
• Gagnsæir stjórnarhættir
Staðið við gefin loforð
Virkur þátttakandi í Global Compact Sameinuðu þjóðanna
Virkur þátttakandi í norrænu tengslaneti Global Compact
Stofnaðili að alþjóðlegri yfirlýsingu
fjármálastofnana (UNEP-FI)
Hefur lýst yfir stuðningi við tilmæli OECD til
fjölþjóðlegra fyrirtækja
Eitt 153 fyrirtækja sem undirrituðu „Caring for Climate“
yfirlýsinguna árið 2007
Landsbankinn hefur ávallt lagt áherslu á samfélagslega ábyrgð og sú stefna er
hluti af framtíðaráformum sem og menningu og gildum fyrirtækisins. Helstu viðskiptamarkmið
bankans eru að veita hluthöfum góða ávöxtun og viðskiptavinum
framúrskarandi fjármálaþjónustu, en einnig að vinna samkvæmt góðum stjórnarháttum
og sýna ábyrgð gagnvart samfélaginu. Stefnu Landsbankans um samfélagslega
ábyrgð er því ætlað að miðla verðmætunum, sem bankinn skapar, út í
samfélagið þar sem hann er með starfsemi.
Í samræmi við þessi markmið hefur Landsbankinn verið framarlega í flokki þeirra
sem stuðla að miklum lífsgæðum á Íslandi. Styrkveitingar og fjárhagsleg aðstoð,
sem bankinn veitir, hafa aukist samhliða vexti hans. Bankinn styður sjálfbæra
þróun með því að tryggja að eigin starfsemi sé náttúruvæn og félagslega og siðferðilega
ábyrg. Landsbankinn býður ekki upp á vörur eða þjónustu, né tekur hann
þátt í framkvæmdum sem kunna að fela í sér umhverfisspjöll, ósiðlega framkomu,
brot gegn grundvallarmannréttindum og félagslegum réttindum eða spillingu.
Hnattvæðing og umhverfisstefna
Alþjóðlegum fyrirtækjum ber skylda til að taka markvissa afstöðu til mikilvægra
félagslegra, siðferðilegra og umhverfislegra málefna. Þar á meðal er glíman við loftslagsbreytingar,
fátækt, mansal, skipulagða glæpastarfsemi og mannréttindabrot.