Ársskýrsla 2007 - BTB

Ársskýrsla 2007
66
Lesendur tímaritsins ACQ í Bretlandi völdu Landsbankann „The Alternative Debt
Provider“ ársins 2007 og North West Insider kaus bankann sem „Asset based Lender
of the Year“. Ein viðskipti bankans unnu verðlaun Entrepreneur Magazine sem
„Medium-sized“ viðskipti ársins. Þessar viðurkenningar sýna bæði hæfni Landsbankans
til að sníða skuldasamsetningu vel að þörfum viðskiptavinarins og einnig
hve mikilvægt er að bjóða upp á þessa vöru í fjárfestingarbankaviðskiptum.
Landsbankinn lokaði eignatengdum viðskiptum við fleiri en 20 hópa fjárfesta á
einkamarkaði sem sýnir aukna útbreiðslu þessarar vöru en staðfestir ekki síður
mjög góða stöðu bankans á þessu sviði þar sem mikil samkeppni ríkir. Vöxtur
Landsbankans á þessum markaðii var 20% umfram almenna þróun samkvæmt
mælingum ABFA, Commercial Finance Association and Asset Based Finance Association,
fram til desember 2007.
Annað meiri háttar afrek á árinu 2007 var að koma á traustu og stefnumarkandi
sambandi milli Landsbankans og Wachovia-bankans í Bandaríkjunum. Þetta
samband opnar aðgang að nýjum mörkuðum fyrir viðskiptavini bankanna sem
byggja á þeim samböndum sem fyrir eru og þetta samstarf hefur gagnast báðum
bönkunum mikið.
Sjóðstreymislán
Teymi Landsbankans sem annast sjóðstreymislán í London og Amsterdam eru
orðin virkir þátttakendur á evrópskum lánamarkaði á sviði sjóðstreymislána.
Teymin hafa myndað sterk viðskiptasambönd við sterka hópa fjárfesta og leiðandi
banka á þessu sviði og þeim er oft boðið að taka þátt í samningum víða á þessum
markaði. Teymi bankans hafa einnig nýtt sambönd sín til þess að styrkja eigin
markaðsstöðu með því að hafa umsjón með sífellt fleiri sjóðstreymislánum.
Sjóðstreymislán eru yfirleitt notuð við kaup og yfirtökur og eru þess vegna mikilvægur
þáttur í markmiðum Landsbankans um að verða leiðandi í fjármögnun
fyrir lítil og meðalstór fyrirtæki. Sjóðstreymislánateymum bankans hefur gengið
mjög vel við samningsgerð og njóta þá oft samvinnu við Fyrirtækjaráðgjöf og
eignatengd útán Landsbankans. Krosssala og samlegðaráhrif frá vörum og þjónustu
frá Fyrirtækjasviði, Fyrirtækjaráðgjöf og öðrum fjármálalausnum hafa kallað
fram fjölda góðra dæma um góðan árangur Landsbankans við að veita litlum og
meðalstórum fyrirtækjum þá heildarþjónustu sem sóst er eftir.
Uppsetningarteymi bankans, sem staðsett eru í útibúunum í London og Amsterdam,
hafa sýnt fram á að þau eru hæf til þess að stilla upp og ná samstöðu um
samkeppnishæfa og hagfellda samsetningu lána á markaði lítilla og meðalstórra
fyrirtækja í Bretlandi og Evrópu. Nýjasta framtakið á þessu sviði er opnun útibús