Ársskýrsla 2007 - BTB

109 Landsbankinn
Framkvæmdastjórar
Atli Atlason, framkvæmdastjóri Starfsmannasviðs lauk viðskiptafræðiprófi frá
Háskóla Íslands 1992. Hann var skipaður framkvæmdastjóri Starfsmannasviðs
í maí 2003. Áður var hann starfsmannastjóri hjá Búnaðarbanka Íslands hf. frá
1999. Á árunum 1992 til 1999 starfaði hann sem fjármála- og starfsmannastjóri
Fiskistofu. Atli er fulltrúi menntamálaráðherra í stjórn Félagsstofnunar stúdenta.
Ársæll Hafsteinsson er framkvæmdastjóri Lögfræðisviðs, útibúaþjónustu, útlánaeftirlits
og regluvörslu samstæðunnar. Ársæll útskrifaðist úr lagadeild Háskóla
Íslands, öðlaðist réttindi sem héraðsdómslögmaður 1992 og löggildingu í verðbréfamiðlun
1999. Hann var skipaður í stöðu sína í Landsbankanum í maí 2003.
Hann hóf störf hjá Búnaðarbanka Íslands hf. árið 1988, starfaði sem forstöðumaður
lögfræðideildar Búnaðarbankans frá 1991 og aðallögfræðingur hans frá
árinu 2000. Hann hefur setið í stjórnum margra fyrirtæka, þar á meðal hjá Creditinfo
Group hf., Intrum Iceland hf., Intrum Justitia SA og Hömlum hf.
Brynjólfur Helgason er framkvæmdastjóri Alþjóðasviðs og staðgengill bankastjóra.
Hann lauk MBA gráðu frá INSEAD í Frakklandi 1979 og cand. oecon. gráðu
í viðskiptafræði frá Háskóla Íslands 1977. Brynjólfur kom til starfa hjá Landsbankanum
árið 1979. Hann var framkvæmdastjóri Fyrirtækjasviðs frá 1998 til 2002
og framkvæmdastjóri ýmissa sviða frá 1988. Hann var áður framkvæmdastjóri
Markaðssviðs frá stofnun þess árið 1984 en fram að því var hann forstöðumaður
í Fyrirtækjaviðskiptum. Hann situr í stjórn Landsbanki Heritable Bank Ltd í London,
Alþjóða viðskiptaráðsins á Íslandi og Bresk-íslenska viðskiptaráðsins. Brynjólfur
hefur setið í stjórnum ýmissa fyrirtækja. Þeirra á meðal eru Lýsing hf., Reiknistofa
bankanna, Vátryggingafélag Íslands, Líftryggingafélag Íslands hf., Fjárvangur hf.,
SP-Fjármögnun hf., Landsbanki Luxembourg SA og Fransk-íslenska viðskiptaráðið.
S. Elín Sigfúsdóttir, framkvæmdastjóri Fyrirtækjasviðs lauk viðskiptafræðiprófi
frá Háskóla Íslands 1979. Hún tók við starfi framkvæmdastjóra Fyrirtækjasviðs í
maí 2003. Áður starfaði hún í Búnaðarbanka Íslands hf. í 24 ár, síðast sem framkvæmdastjóri
Fyrirtækjasviðs eftir að hafa gegnt starfi forstöðumanns og aðstoðarframkvæmdastjóra
sama sviðs. Hún hefur setið í stjórn Landsbanki Luxembourg
SA og SP-Fjármögnunar hf. frá 2003. Elín átti sæti í stjórn Búnaðarbankans frá
1998 til 2003 og Lýsingar hf. frá 2000 til 2003.