Ársskýrsla 2007 - BTB

Ársskýrsla 2007
96
félögum teljast einnig til venslaðra aðila sem og hluthafar sem eiga 5% eða stærri
hlut í bankanum eða teljast til 10 stærstu hluthafa bankans eins og nánar er
kveðið á um í starfsreglum fyrir bankaráð.
Starfsnefndir bankaráðs
Bankaráð hefur skipað tvær starfsnefndir, endurskoðunarnefnd og kjaranefnd.
Hlutverk nefndanna er að fjalla sérstaklega um og undirbúa ákveðin málefni fyrir
fundi bankaráðs. Skilgreiningu um óhæði stjórnenda í Leiðbeiningunum er fylgt
við val bankaráðsmanna til setu í þessum nefndum.
Endurskoðunarnefnd
Í enduskoðunarnefnd sitja þrír bankaráðsmenn, sem eru allir óháðir Landsbankanum,
eins og mælt er með í Leiðbeiningunum. Framkvæmdastjórar Lögfræðisviðs
og Rekstrarsviðs og innri endurskoðandi starfa með nefndinni. Endurskoðunarnefnd
undirbýr m.a. umfjöllun bankaráðs um ársfjórðungsuppgjör og ársreikninga
bankans. Eftirfarandi bankaráðsmenn sitja í endurskoðunarnefnd: Kjartan Gunnarsson
(formaður nefndarinnar), Þór Kristjánsson og Þorgeir Baldursson.
Kjaranefnd
Í kjaranefnd sitja þrír bankaráðsmenn, sem allir eru óháðir Landsbankanum, í
samræmi við tilmæli Leiðbeininganna. Kjaranefnd semur um launakjör og önnur
starfskjör bankastjóranna. Árlega gerir nefndin tillögu að starfskjarastefnu Landsbankans
sem síðan er borin undir aðalfund Landsbankans til samþykktar. Eftirfarandi
bankaráðsmenn sitja í kjaranefnd: Björgólfur Guðmundsson (formaður
nefndarinnar), Þór Kristjánsson og Andri Sveinsson
Bankastjórar
Bankastjórar Landsbankans eru tveir og bera þeir ábyrgð á daglegri starfsemi
bankans auk þess að þjóna sem talsmenn bankans um öll rekstrar- og viðskiptaleg
málefni. Þeir hafa umboð til ákvarðanatöku hvað varðar alla starfsemi bankans
sem ekki er öðrum falin með lögum, samþykktum bankans eða ákvörðun bankaráðs.
Bankastjórar skulu fullnægja öllum þeim hæfisskilyrðum sem lög um fjármálafyrirtæki
og lög um hlutafélög kveða á um á hverjum tíma.
Framkvæmdastjórar
Hjá Landsbankanum starfa tíu framkvæmdastjórar. Þeir heyra undir bankastjóra
og bera ábyrgð á daglegum rekstri deilda sinna. Framkvæmdastjórar og bankastjórar
funda reglulega.