Ársskýrsla 2007 - BTB

Ársskýrsla 2007
72
færi til krosssölu til viðskiptavina nýja skuldabréfateymisins annars vegar og
viðskiptavina hlutabréfamiðlunar hins vegar. Auk þess eru samlegðaráhrif milli
skuldabréfaviðskipta og hópsins sem sér um viðskipti með breytanleg skuldabréf
hjá Landsbanki Kepler. Ráðning skuldabréfateymisins er framhald af starfsemi
Landsbanki Kepler sem stofnuð var Genf í júní 2006 og telur nú 40 manns. Hópurinn
í Genf sérhæfir sig í miðlun skuldabréfa og gjaldeyrisafleiðna frá nýmarkaðslöndum.
Nýlega var bætt við þessa starfsemi þegar hafin var miðlun samsettra
fjármálaafurða.
Fjárfesting í verðbréfum
Sviptingar á alþjóðlegum mörkuðum á seinni hluta ársins 2007 höfðu veruleg
áhrif á ávöxtun skuldabréfa- og hlutabréfasafns Landsbankans. Áhrifanna gætti
sérstaklega á fjórða ársfjórðungi. Fjárfestingatekjur voru engar á fjórða ársfjórðungi
miðað við 16,5 milljarða króna ávöxtun á fyrstu þremur fjórðungunum.
Þegar horft er til þróunar á hlutabréfamörkuðum síðustu mánuði ársins var hlutabréfasafn
Landsbankans vel dreift og heppilega samsett. Heildareign í hlutabréfum
nam 2,1% af heildareignum í árslok sem er vel innan við það 3% mark sem bankinn
hefur sett sér. Um er að ræða nokkra lækkun milli ára, en hlutabréfasafnið var
2,6% af heildareignum í upphafi ársins.
Staða Landsbankans í skráðum íslenskum hlutabréfum var minnkuð á árinu. Eini
stóri innlendi hluturinn í safninu var hlutur bankans í Marel, framleiðanda matvinnslukerfa.
Marel hefur fylgt árangursríkri stefnu á alþjóðlegum vettvangi og
aukið starfsemi sína með innri vexti og yfirtökum, síðast með kaupum á Stork
Food Systems, keppinauti sínum í Hollandi. Marel, eins og mörg framleiðslufyrirtæki,
hefur komist tiltölulega vel frá þeirri lækkun sem orðið hefur á hlutabréfamarkaðinum.
Stærsti eignarhlutur bankans, sem skráður er erlendis, er Intrum
Justica, sænskt innheimtufyrirtæki, en það hefur einnig komið hlutfallslega vel frá
núverandi ókyrrð á markaði. Hlutabréfastaða bankans skilaði 26% ávöxtun á árinu
sem er vel viðunandi samanborið við viðmið.
Skuldabréfasafn Landsbankans jókst enn á árinu frá 169 milljörðum króna í byrjun
árs í 363 milljarða króna í árslok. Mest varð aukningin í erlendum skuldabréfum
sem endurspeglar hvernig bankinn hefur byggt upp lausafjárstöðu sína. Erlenda
skuldabréfasafnið nam 294 milljörðum króna í árslok miðað við 133 milljarða
króna í upphafi árs en það samanstendur eingöngu af ríkisskuldabréfum og
skuldabréfum fjármálastofnana. Bankinn hefur engar áhættuskuldbindingar í
tengslum við skuldavafninga af neinu tagi (SIV, ABS, CDO, Monolines) eða undirmálslán
í Bandaríkjunum.