Ársskýrsla 2007 - BTB

75 Landsbankinn
Fyrirtækjaráðgjöf
Fyrirtækjaráðgjöf veitir fyrirtækjum og stofnunum sjálfstæða ráðgjafarþjónustu í
tengslum við kaup, sölu og samruna fyrirtækja og starfseininga. Hún veitir einnig
ráðgjöf og hefur umsjón með útboðum og skráningu.
Mikil áhersla hefur verið lögð á að efla erlenda starfsemi fyrirtækjaráðgjafar og
í því skyni hefur starfsmönnum í Fyrirtækjaráðgjöf verið fjölgað. Öll dótturfélög,
sem Landsbankinn hefur nýlega keypt erlendis, hafa aukið fyrirtækjaráðgjöf sína
undanfarin tvö ár. Mikilvægt skref í þessa átt var stigið þegar nýr fyrirtækjaráðgjafarhópur
bættist við Landsbanki Kepler í París árið 2006. Árin 2006 og 2007
voru starfshópar í fyrirtækjaráðgjöf einnig efldir í London, Dublin, Zürich, Amsterdam
og Frankfurt.
Í kjölfarið á eflingu starfsemi Fyrirtækjaráðgjafar Landsbankans hefur viðskiptum
fjölgað og verðmæti þeirra aukist. Heildarverðmæti viðskipta í umsjón starfsmanna
Fyrirtækjaráðgjafar árið 2007 var 14,8 milljarðar evra og fjöldi viðskipta
var 53. Árið 2006 var fjöldi viðskipta 71 og verðmæti þeirra 15,9 milljarðar evra.
Árið 2007 varð Landsbankinn í 16. sæti hjá Bloomberg um markaðsaðila á sviði
fyrirtækjaráðgjafar á norrænum markaði miðað við 41. sæti árið 2006 og markaðshlutdeild
bankans hækkaði frá 0,5% árið 2006 í 4% árið 2007.
Fjöldi verkefna Fyrirtækjaráðgjafar
Landsbankasamstæðan
Fjöldi verkefna 2005 86
Heildarvirði 2005 í milljónum evra 6.181
Fjöldi verkefna 2006 71
Heildarvirði 2006 í milljónum evra 15.860*
Fjöldi verkefna 2007 53
Heildarvirði 2007 í milljónum evra 14.775
*Aðkoma Merrion að samningi Natixis (5,3 milljarðar evra), hlutafjárútboð
Aer Lingus og afskráning eircom meðtalið.