Ársskýrsla 2007 - BTB

57 Landsbankinn
Undir fyrirtækjaviðskipti fellur fyrirtækjasvið móðurfélagsins, þ.m.t. lánastarfsemi
bankans í London, Amsterdam, Kanada og Noregi, fyrirtækjaviðskipti Heritable
Bank og Landsbanki Luxembourg SA. Hagnaður af fyrirtækjaviðskiptum á
árinu 2007 nam 24,6 milljörðum króna fyrir skatta samanborið við 15,7 milljarða
króna á árinu 2006. Heildareignir fyrirtækjaviðskipta námu 1.334 milljörðum
króna í lok árs 2007.
Í fjárfestingabankastarfsemi er verðbréfasvið móðurfélagsins, bæði á Íslandi og
á meginlandi Evrópu og dótturfélögin Landsbanki Securities UK, Landsbanki Kepler
SA og Merrion Capital. Undir starfsþáttinn fellur verðbréfamiðlun, fyrirtækjaráðgjöf,
gjaldeyris- og afleiðumiðlun, skuldastýring, fjárstýring og eigin viðskipti með
hlutabréf og skuldabréf. Hagnaður af verðbréfaviðskiptum á árinu 2007 nam 12,8
milljörðum króna fyrir skatta samanborið við 19,3 milljarða króna á árinu 2006.
Heildareignir fyrirtækjaviðskipta námu 742 milljörðum króna í árslok 2007.
Eignastýring og einkabankaþjónusta samanstendur af eignastýringarsviði móðurfélagsins,
Landsvaka hf. og eignastýringu og einkabankaþjónustu Landsbanki
Luxembourg SA. Hagnaður af eignastýringu og einkabankaþjónustu á árinu 2007
nam 3,4 milljörðum króna fyrir skatta samanborið við 3,1 milljarða króna árið
2006. Heildareignir starfsþáttarins námu 429 milljörðum króna í árslok 2007.
Hagnaður rekstrarstarfsþátta fyrir skatta
Í milljörðum króna
25
20
15
10
5
8,1 7,9
Fyrirtækjaviðskipti
Viðskiptabankastarfsemi
15,7
24,6
Fjárfestinga-
Eignastýring
banka-
og einkabankaþjónusta
starfsemi
2006 2007
19,3
12,8
3,1 3,4
20
20
Efnahagsreikningur 31. desember 2007
Heildareignir samstæðunnar námu 3.058 milljörðum króna í lok árs 2007 samanborið
við 2.173 milljarða króna í upphafi ársins og hafa þær aukist um 885
milljarða króna eða 41% á árinu.
Kröfur á fjármálastofnanir námu 163 milljörðum króna samanborið við 216
milljarða króna í upphafi ársins.
Útlán til viðskiptavina námu 2.023 milljörðum króna í árslok 2007 samanborið
við 1.438 milljarða króna í byrjun ársins og jukust þau um 41%.
Afskriftareikningur útlána var 22,0 milljarður króna eða 1,02% af heildarútlánum
og veittum ábyrgðum í lok árs 2007. Afskriftareikningur útlána endurspeglar ekki
töpuð útlán, heldur er um að ræða fjárhæðir sem lagðar hafa verið til hliðar gegn
reiknuðum útlánatöpum framtíðar. Þegar og ef útlán tapast eru þau færð út af
afskriftareikningi útlána.
Veltufjáreignir samstæðunnar námu 582 milljörðum króna í lok árs samanborið
við 344 milljarða króna í ársbyrjun. Undir þennan lið falla markaðsskuldabréf,
veltuhlutabréf og jákvæðar stöður afleiðusamninga. Markaðsskuldabréf námu 361