Ársskýrsla 2007 - BTB

37 Landsbankinn
Vaxtaáhætta veltubókar
Vaxtaáhætta veltubókar er að mestu leyti vegna eigna bankans í íslenskum skuldabréfum.
Skuldabréfaeign er lykilþáttur í lausafjárstýringu bankans. Að auki er Landsbankinn
aðalmiðlari og viðskiptavaki með innlend ríkisskuldabréf. Bankinn tekur einnig
stöður í innlendum skuldabréfum ásamt mjög seljanlegum og hátt metnum erlendum
skuldabréfum þegar bankinn sér fram á breytingar á ávöxtun þeirra. Hluti af lausafjárstýringu
bankans hefur falist í því að byggja upp umtalsvert safn erlendra skuldabréfa
á árinu. Vegna skamms binditíma safnsins er vágildi vegna þessara bréfa lágt.
Staða skuldabréfa
Vágildisgreining
Vágildis- (99%, 10 daga Staða % af
greining (99% tímabil), % Staða % af Staða % af efnahags-
Í milljörðum króna Staða 10 daga tímabil) af áhættufé áhættufé eiginfjárþætti A reikningi
Alls 362,6 2,8 1,0% 134,0% 155,2% 11,9%
Skráð 360,5 2,8 1,0% 133,2% 154,3% 11,8%
Óskráð 2,1 0,0 0,0% 0,8% 0,9% 0,1%
Innanlands 43,2 1,5 0,5% 15,9% 18,5% 1,4%
Skráð 43,2 1,5 0,5% 15,9% 18,5% 1,4%
Óskráð 0,0 0,0 0,0% 0,0% 0,0% 0,0%
Erlendis 319,5 1,3 0,5% 118,0% 136,8% 10,4%
Skráð 317,4 1,3 0,5% 117,3% 135,9% 10,4%
Óskráð 2,1 0,0 0,0% 0,8% 0,9% 0,1%
Vaxtaáhætta annarra safna
Vaxtaáhætta bankabókar felst í þeim áhrifum sem vaxtabreytingar eigna og skulda
utan veltubókar hafa á vaxtamun og/eða markaðsvirði eigin fjár. Sú áhætta felst
aðallega í misvægi milli tímalengdar vaxtabindingar eigna og skulda. Vaxtaáhætta
bankabókar er einn af mikilvægari áhættuþáttum bankans. Vaxtaviðmið eru að
jafnaði endurstillt með reglulegu millibili, þó með tveimur undantekningum. Í
fyrsta lagi býður Heritable Bank upp á langtímalán með föstum vöxtum. Vaxtaáhætta
þessa lánasafns er varin með vaxtaskiptasamningum. Í öðru lagi býður
móðurfélag bankans fastvaxtalán í íslenskum krónum og tilheyrir stærstur hluti
þeirra íbúðalánum til einstaklinga. Bankinn hefur varið meirihluta vaxtaáhættu
íbúðalánanna. Fjárstýring í höfuðstöðvum stýrir vaxtaáhættu samstæðunnar.
Verðtryggingajöfnuður
Áhætta bankans vegna verðtryggingar stafar af ójöfnuði milli verðtryggðra eigna
og skulda, innan og utan efnahags. Meirihluti fasteigna- og neytendalána bankans
eru bundin við íslensku neysluverðsvísitöluna til verðtryggingar. Neysluverðsvísitala
er aðallega notuð á langtímalán í íslenskum krónum. Fjárstýring annast
stýringu áhættu vegna verðtryggingar. Í efnahagsreikningi Landsbankans voru
verðtryggðar eignir umfram skuldir 148,9 milljarðar í árslok.