Ársskýrsla 2007 - BTB

21 Landsbankinn
sumum tilfellum voru breytingar á stjórnum fyrirtækjanna óhjákvæmilegar og
með lækkun á væntum og tilkynntum hagnaði fyrirtækjanna mátti búast við verulegri
lækkun hlutabréfa. Undirvísitala S&P 500 fyrir fjármálafyrirtæki féll um 15%
frá byrjun sumars fram í miðjan ágústmánuð og féll svo aftur frá byrjun október
fram að áramótum. Á heildina litið féll undirvísitalan um 20,8% árið 2007. Þróunin
var svipuð í Evrópu. Euro STOXX-undirvísitalan fyrir fjármálafyrirtæki lækkaði um
12,7% á árinu. Mest var lækkunin meðal þýskra og breskra banka.
Ávöxtunarkrafa langra skuldabréfa í helstu hagkerfum heims lækkaði á árinu. Þessi
þróun endurspeglaði almennt þróun á lánsfjármörkuðum og breytt viðhorf til
áhættu. Eftir því sem fjárfestar gerðu sér í auknum mæli grein fyrir vandamálum á
lánsfjármörkuðum síðastliðið sumar lækkaði ávöxtunarkrafan verulega en hækkaði
á nýjan leik í september og október þegar aðstæður á fjármálamörkuðum virtust
batna. Ávöxtunarkrafa á löngum bréfum tók svo að falla á ný eftir því sem
aðstæður á markaði versnuðu aftur og fjárfestar sóttust eftir auknu öryggi. Við
árslok hafði ávöxtunarkrafa tíu ára bandarískra ríkisbréfa lækkað um 63 punkta frá
upphafi árs og um 123 punkta frá miðjum júní þegar krafan náði hámarki sínu.
Breytingar á hlutabréfavísitölum
árið 2007 í nokkrum löndum
Írland
Svíþjóð
Sviss
Ísland
Frakkland
Finnland
Bandaríkin
Bretland
Holland
Danmörk
Spánn
Þýskaland
1,3%
3,4%
3,5%
3,8%
4,1%
5,1%
7,3%
22,3%
-26,3%
-5,7%
-3,4%
-1,4%
-30% -20% -10% 0 10% 20% 30%
*Vísitölurnar eru: Irish Overall, OMX Stockholm 30, Swiss Market,
OMX Iceland 15, CAC 40, OMX Helsinki 25, S&P 500, FTSE 100,
Amsterdam Exchanges, OMX Copenhagen 20, IBEX 35 og DAX
Heimild: Bloomberg
Einn af athyglisverðustu þáttum núverandi lánsfjárkreppu er sú útbreidda skoðun
að neikvæð áhætta, sem öll helstu iðnríkin standa frammi fyrir, muni hafa minni
áhrif á nýmarkaðsríki. Þetta kemur skýrt fram í gengi hlutabréfa í nýmarkaðshagkerfum
og að því virðist takmarkaðri fylgni milli þróaðra hagkerfa og nýmarkaðshagkerfa.
Í þessu sambandi gæti áframhaldandi vöxtur nýmarkaðshagkerfa og
aukin starfsemi ríkisfjárfestingasjóða (e. sovereign wealth funds), auk lausari peningamálastjórnar
í helstu hagkerfum, valdið því að hagkerfi helstu iðnríkja kæmust
aftur á réttan kjöl fyrr en nú er talið.