Ársskýrsla 2007 - BTB

Ársskýrsla 2007
62
Útlán samstæðunnar til innlendra
og erlendra fyrirtækja
80%
60%
40%
20%
60%
40%
57%
43%
Samhliða útrás Landsbankans og annarra íslenskra fyrirtækja á erlend markaðssvæði
hefur hlutur útlána til erlendra fyrirtækja farið ört vaxandi. Í framhaldi af
verulegri aukningu á þessu sviði á undanförnum árum jók bankinn enn útlán til
erlendra fyrirtækja á árinu 2007. Í lok ársins fóru 43% af fyrirtækjaútlánum til
erlendra viðskiptavina, hækkun úr 40% á árinu á undan og þar af leiðandi 57% til
íslenskra fyrirtækja. Hluti af útlánum til íslenskra fyrirtækja er notaður í starfsemi
þeirra utan Íslands sem þýðir að mun lægra hlutfall en 57% af útlánum er til notkunar
á innlendum markaði.
Innlend
2006
Erlend
2007
Stærstur hluti fyrirtækjalána Landsbankans er til fyrirtækja á sviði þjónustu og
byggingarstarfsemi og þar á eftir koma fyrirtæki í verslun og sjávarútvegi. Mest
aukning varð í útlánum til þjónustufyrirtækja á árinu og þar næst til fyrirtækja
í byggingarstarfsemi og iðnaði. Þessi þróun sýnir að Landsbankinn er stöðugt
að efla starfsemi sína í útlánum til fyrirtækja samtímis því sem áhættu er dreift
markvisst á skilgreinda markaði.
Gengisvarnir
Stærstur hluti útlána Landsbankans til íslenskra fyrirtækja er í erlendri mynt.
Flestir þessara skuldunauta eru með eðlilegar varnir beint í gegnum starfsemi
sína. Verulegur hluti tekna margra af stærstu fyrirtækjum Íslands er í erlendri
mynt þar sem hátt hlutfall íslenskra fyrirtækja á í erlendum viðskiptum. Þessi
fyrirtæki eru varin með eðlilegum hætti gegn gengisbreytingum krónunnar þar
sem fjármögnun þeirra í erlendri mynt er venjulega á þann veg að hún myndar
jafnvægi við sjóðstreymi þeirra í viðkomandi myntum. Þar að auki býður bankinn
þeim fyrirtækjum, sem hafa stóran hluta skulda sinna en tiltölulega lítinn
hluta af tekjum í erlendri mynt, margs konar leiðir til að verjast gengissveiflum,
allt eftir stöðu og þörfum hvers viðskiptavinar. Því er hægt að fullyrða að innlend
fyrirtæki í viðskiptum hjá Landsbankanum eru mjög vel varin gegn gengisáhættu.
Breytilegir vextir
Útlána- og vaxtakjör bankans eru mjög sveigjanleg og löguð að aðstæðum viðskiptavina.
Lán í erlendri mynt eru venjulega með breytilegum vöxtum. Lán í
íslenskum krónum eru aðallega með breytilegum, óverðtryggðum vöxtum eða
breytilegum, verðtryggðum vöxtum. Í árslok voru gengisbundin lán 80% af
útlánum Landsbankans til fyrirtækja. Þarna er um að ræða lán sem veitt eru
erlendis en einnig hafa lán í erlendri mynt verið mjög eftirsótt á Íslandi undanfarin
ár vegna hagstæðs gengis og mikils vaxtamunar á milli Íslands og annarra
landa.