Ársskýrsla 2007 - BTB

Ársskýrsla 2007
68
bankalán. Teymið hóf störf síðla árs 2007 og hefur á stuttum starfstíma sínum
komið á traustum viðskiptasamböndum við helstu fyrirtæki og banka á þessu sviði
og treyst orðstír Landsbankans á þessum markaði. Ætlunin er að þetta teymi hefji
starfsemi í Hong Kong snemma árs 2008.
Landsbanki Heritable Bank
Landsbanki Heritable Bank var stofnaður árið 1877 og sérhæfir sig í útlánum til
einstaklinga og fyrirtækja frá höfuðstöðvum sínum í London. Landsbankinn keypti
bankann árið 2000 en hann heyrir undir breska fjármálaeftirlitið (FSA) hvað eftirlit
varðar og starfar eftir breskum reglum um bankastarfsemi, t.d. um eiginfjárhlutfall.
Heritable Bank er algerlega fjármagnaður með eigin innlánum og eru útlánin
fjármögnuð með blöndu af innlánum frá einstaklingum og heildsöluinnlánum
sem hafa farið stöðugt vaxandi samhliða því sem efnahagsreikningur bankans
hefur stækkað. Bankinn er einnig ábyrgur fyrir allri innlánastarfsemi Landsbankasamstæðunnar
í Bretlandi og á aflandsmörkuðum. Heildareignir Heritable Bank
hafa að meðaltali aukist um 60% árlega á síðustu fimm árum og rekstrarhagnaður
fyrir skatta var 47% á árinu 2007.
Í útlánum Heritable Bank til fyrirtækja er lögð áhersla á verkefnafjármögnun fyrir
litla og meðalstóra byggingaverktaka, einkum á breskum byggingarmarkaði fyrir
íbúðir og verslunarhúsnæði, Mikill vöxtur og góð arðsemi hefur verið í þessari
starfsemi, m.a. vegna stórra viðskiptasamninga sem náðust á árinu 2007. Bankinn
lánar líka fagfjárfestum í fasteignaviðskiptum og fleirum á Bretlandi og víðar gegn
tryggingum í íbúðarhúsnæði á Bretlandi. Sérfræðingar bankans í fasteignaveðlánum
vanda sérstaklega til staðsetningar þeirra byggingaverkefna sem lánað er
til. Starfsemin jókst stöðugt árið 2007 á markaði þar sem mikil samkeppni ríkir.
Framlegð í þessari starfsemi batnaði þegar leið að lokum ársins 2007 og búist er
við að sú staða haldist á árinu 2008. Eignafjármögnunardeild Heritable Bank, sem
sett var á fót árið 2005, sér um kaupleigu og leigusamninga fyrir lítil og meðalstór
fyrirtæki í Bretlandi. Key Business Finance, sem bankinn keypti árið 2005, sérhæfir sig
í skammtímafjármögnun til lögfræðistofa í Bretlandi. Rekstrarhagnaður Heritable
Bank árið 2007 hækkaði um 54% og jukust eignir um 43% í 1,25 milljarða breskra
punda – og innlán hækkuðu um 26% í 897 milljónir breskra punda.
Fyrirtækjabankinn
Fyrirtækjabanki Landsbankans hélt á árinu 2007 áfram að styðja við starfsemi
Fyrirtækjasviðs og útlán útibúanna með ýmiss konar netbankaþjónustu og efldist
þjónustan verulega. Ný tækni var innleidd, margvíslegar endurbætur voru gerðar á
nokkrum vörum og þjónustan aukin að öllu leyti. Veltan hélt enn áfram að aukast
á árinu bæði með nýjum fyrirtækjum, sem nota Fyrirtækjabankann, og aukinni