Ársskýrsla 2007 - BTB

Ársskýrsla 2007
74
Landsbanki. Þar munar mest um sameiginlegan gagnagrunn fyrir fyrirtækjagreiningar
sem greiðir fyrir samræmdri kynningu á gögnum og auðveldar samanburð
milli markaða. Gagnagrunnurinn auðveldar verðbréfamiðlurum og öðrum sérfræðingum
Landsbankans aðgang að greiningarvinnu hópsins. Bæði efni og form
útgáfunnar var staðlað. Deildirnar gefa nú sameiginlega út skýrslur um einstakar
greinar sem ná yfir markaðssvæði bankans, auk þess að skipuleggja málþing og
kynningar fyrir viðskiptavini í sameiningu. Mikil gæði greiningarvinnu Landsbankans
hafa verið staðfest með vali Bloomberg á Landsbanki Kepler sem fremsta
miðlara Evrópu fyrir áreiðanleika ráðleggingar miðað við fjölda þeirra fyrirtækja
sem fylgst er með.
Fyrirtækjagreiningar hjá Landsbankasamstæðunni
Frakk- Þýska- Ísland Írland Ítalía Holland Spánn Sviss Bretland Finnland Önnur Samstæðan
land land lönd 1 í heild
Fjöldi fyrirtækja sem
fylgst er með 154 57 18 30 64 44 49 63 245 20 25 769
% af virði markaðar 97% 65% 80,3% 2 95% 74% 64% 95% 84% 25% 34% – 25-97%
Miðgildi markaðsvirðis fyrirtækjanna
í milljörðum evra 3,1 3,6 0,5 2,9 2,9 2,5 3,6 2,6 0,3 2,4 13,4 –
Fjöldi greinenda 20 10 6 6 6 5 7 9 21 5 – 95
1) Til að mynda önnur Norðurlönd og Austur-Evrópa
2) Greiningardeild Landsbankans gefur ekki út verðmatsgreiningar á Landsbanka Íslands, sem vegur um 15% af markaðsvirði OMX Nordic Exchange Ísland
Gjaldeyris- og afleiðumiðlun
Gjaldeyris-, afleiðu- og skuldastýring (GAS) veitir viðskiptavinum sérhæfða þjónustu
á þessum sviðum. Landsbankinn á langa sögu í fjármögnun fyrirtækja, ekki
síst í sjávarútvegi og verslun, sem gerir stöðu hans í gjaldeyrisviðskiptum á Íslandi
sterka. Í gjaldeyris- og afleiðuviðskiptum eru bæði stundarviðskipti með gjaldeyri
og framvirk viðskipti. Skulda- og gjaldeyrisstýring veitir fyrirtækjum, sveitarstjórnum
og lífeyrissjóðum alhliða ráðgjöf um gjaldeyris- og vaxtaáhættu.
Áhættustýring byggist á viðurkenndri aðferðafræði sem fylgt er eftir með ráðgjöf
um hvað hægt er að gera til að lágmarka bæði áhættu og fjármagnskostnað.
Umfang gjaldeyrisviðskipta og afleiðumiðlunar Landsbankans á Íslandi jókst um
16% árið 2007 eftir metvöxt upp á 141% árið 2006.
Á sviði verðbréfa og afleiðuviðskipta eru mikil tækifæri til samlegðaráhrifa. Landsbankinn
leggur mikla áherslu á að auka tekjur af verðbréfa-/afleiðusölu og viðskiptum
þvert á samstæðuna með því að bjóða viðskiptavinum heildstætt úrval
af vörum og þjónustu sem þeir hafa í mörgum tilfellum ekki haft kost á áður.
Til að nota þessa möguleika opnaði bankinn deild miðlunar og þróunar á fjármálaafurðum
í London snemma árs 2007. Deildin býður gömlum og nýjum viðskiptavinum
bankans hlutabréfaafleiður, fjármögnun verðbréfakaupa, samsettar
fjármálaafurðir og fyrirtækjalausnir.