Ársskýrsla 2007 - BTB

Ársskýrsla 2007
110
Guðmundur Guðmundsson, framkvæmdastjóri Upplýsingatæknisviðs lauk verkfræðiprófi
frá Háskóla Íslands 1990 og MSc prófi í iðnaðarverkfræði frá North Carolina
State University 1991. Hann varð löggiltur verðbréfamiðlari árið 2001. Áður
en hann varð framkvæmdastjóri Upplýsingatæknisviðs árið 2003 stýrði hann Fyrirtækjaráðgjöf
Búnaðarbanka Íslands hf. frá 2001 en þar áður starfaði hann á Verðbréfasviði
bankans frá 1996. Guðmundur er fulltrúi Landsbankans í samstarfsnefnd
Reiknistofu bankanna og situr í stjórnum Auðkennis hf. og Spans hf.
Haukur Þór Haraldsson, framkvæmdastjóri rekstrarsviðs hlaut cand. oecon.
gráðu í viðskiptafræði frá Háskóla Íslands árið 1986 og MBA gráðu frá University
of Minnesota 1991. Hann hefur verið framkvæmdastjóri og fjármálastjóri frá 1997
en var áður forstöðumaður Verðbréfaviðskipta og annarra deilda frá 1986. Hann
er í samráðsnefnd eftirlitsskyldra aðila Fjármálaeftirlitsins og auk þess á hann sæti
í stjórn hjá Lífeyrissjóði bankamanna, Tryggingasjóði innistæðueigenda og fjárfesta,
Tónlistar- og ráðstefnuhúsi og geðhjúkrunarheimilinu Fellsenda.
Anna Bjarney Sigurðardóttir er framkvæmdastjóri Útibúaþróunar og einstaklingssviðs.
Hún lauk cand. oecon. prófi í viðskiptafræði frá Háskóla Íslands 1991. Hún
varð framkvæmdastjóri Útibúaþróunar og einstaklingssviðs í janúar 2008. Áður
starfaði hún í Búnaðarbankanum í 12 ár; síðast var hún forstöðumaður Áætlana
og rekstrareftirlits en var áður sérfræðingur í bókhaldi, áætlanagerð og gæðamálum.
Anna er stjórnarformaður Varðar Líftryggingar og situr í stjórn Varðar hf.
Ingólfur Guðmundsson, framkvæmdastjóri Einkabankasviðs lauk prófi í rekstrarhagfræði
(cand. merc./MBA) frá háskólanum í Álaborg í Danmörku 1989 og hóf
störf hjá Landsbankanum sama ár. Hann er einnig löggiltur verðbréfamiðlari. Ingólfur
tók við starfi framkvæmdastjóra Einkabankasviðs árið 2004. Áður var hann
framkvæmdastjóri Einstaklings- og markaðssviðs frá 2003 og svæðisstjóri aðalbanka
Landsbankans frá 1999 til 2003. Hann hefur verið í stjórn VISA á Íslandi
frá 2000 og Íslenska lífeyrissjóðsins frá 1995 þar sem hann hefur verið stjórnarformaður
frá 2000.