Ársskýrsla 2007 - BTB

51 Landsbankinn
Starfsmannamál
Landsbanki lítur á hvern starfsmann sem mikilvæga auðlind og
leitast því við að ráða einungis til sín framúrskarandi starfsfólk.
Til að laða að, efla og halda í bestu sérfræðingana á hverju
sviði er lögð áhersla á starfsánægju, gott starfsumhverfi og
markvissa starfsþróun. Skemmtilegur og áhugaverður vinnustaður,
þar sem aðstæður, tækjabúnaður og starfsumhverfi eru
eins og best verður á kosið, er lykilatriði í þessu samhengi. Mikil
áhersla er lögð á að laun og aðbúnaður séu samkeppnishæf og
að hagsmunir starfsfólks og bankans fari saman með árangurstengdu
launakerfi.
Skipting stöðugilda Landsbankans eftir
starfsstöðvum
Landsbanki London 6%
Landsbanki Luxembourg S.A. 5%
Merrion 4%
Heritable London 4%
Aðrar starfsstöðvar
5%
Höfuðstöðvar
á Íslandi 35%
Starfsmannahópur bankans er að stækka
Síðastliðin ár hefur Landsbankinn stækkað hratt og örugglega og starfar nú í 16
löndum. Á Íslandi starfa 55% af mannafla bankans, 22% í Bretlandi og Írlandi,
20% eru á meginlandi Evrópu og 1% í Bandaríkjunum, Kanada og Asíu. Vöxturinn
hefur verið mestur í fyrirtækja- og fjárfestingarbankastarfsemi og verðbréfaviðskiptum,
en vöxtur á þessum sviðum kallar á aukna miðlæga þjónustu. Starfsmönnum,
sem sinna þessari þjónustu í höfuðstöðvum Landsbankans, hefur því
fjölgað mjög og mannaráðningar árið 2007 hafa miðast við að styðja aukin umsvif
sem rekja má til samþættingar og samræmingar á öllum sviðum fyrirtækjasamstæðunnar.
Starfsfólki fjölgaði í 2.771 á árinu og er það 20% aukning á milli ára.
Af nýjum stöðugildum voru 112 á Íslandi og 346 erlendis.
Landsbanki
Securities 8%
Kepler 15%
Útibú á
Íslandi 18%
Mannafli æ fjölbreyttari
Samhliða hröðum vexti Landsbankans og auknum umsvifum erlendis hefur samsetning
í hópi starfsfólks bankans breyst mikið. Breytingarnar hafa stuðlað að
meiri fjölbreytni í menntun, þekkingu og reynslu starfsfólks. Í starfsemi bankans
mætast því margvíslegir straumar og stefnur, bæði í daglegu starfi og við mótun
framtíðaráforma.
Hnitmiðuð starfsmannastefna
Starfsmannastefna Landsbankans er ein af helstu ástæðunum fyrir leiðandi stöðu
bankans á innanlandsmarkaði og á henni grundvallast einnig frekari þróun. Drifkraftur
og metnaður starfsmanna Landsbankans hafa átt mikinn þátt í velgengni
bankans síðastliðin ár.