Ársskýrsla 2007 - BTB

25 Landsbankinn
Landsbankinn fól Daiwa Bank og Nomura að hafa umsjón með uppsetningu á
svokölluðum „Samurai“, japönskum lánaramma, sem búist er við að verði tilbúinn
til útgáfu á árinu 2008.
Landsbankinn heldur áfram að þróa innviði alþjóðlegrar fjármögnunarstefnu sinnar.
Fjármögnunarteymi bankans í Reykjavík teygir nú anga sína til helstu fjármálamiðstöðva
heims, svo sem London, Hong Kong og New York, sem færir starfsemina nær
helstu mörkuðum og er viðbót við starfsemi bankans í öðrum tímabeltum.
Fjármögnun árið 2007
Takmarkað aðgengi að fjármögnunarmörkuðum á árinu 2006 reyndist góður
undirbúningur fyrir íslenska banka þegar þeir þurftu að takast á við þá erfiðleika
sem settu sinn svip á fjármálamarkaði á árinu 2007. Landsbankinn gerði ýmsar
breytingar á fjármögnunar- og lausafjárstefnu sinni, og bætti einnig gagnsæi
og samskipti við fjárfesta. Eins og afkoma annars ársfjórðungs 2007 sýndi, getur
umrót á fjármálamörkuðum takmarkað aðgengi að fjármagni sem sannreynir
hve mikilvægt er að auka fjölbreytni í fjármögnunarleiðum hvað varðar markaði,
vörur og landfræðilega dreifingu. Sterk fjármögnunarstaða bankans fyrir þessa
atburði og það þolgæði sem bankinn sýndi á meðan markaðsaðstæður fóru smám
saman versnandi, hefur sýnt að fjármögnunarstefna bankans hefur borið góðan
árangur.
Innlán
Átak Landsbankans til að auka innlán einstaklinga hefur óneitanlega reynst
árangursríkt. Fjármögnun með innlánum, sér í lagi innlánum einstaklinga, hefur
í sögulegu samhengi tryggt bankanum stöðugri fjármögnun en lánsfjármarkaðir.
Landsbankinn hefur sett af stað frekari vinnu við að stækka og auka fjölbreytni
innlánasafnins og ný áform þessu tengd verða kynnt á árinu 2008. Innlán á Íslandi
náðu yfir 25% af heildarinnlánum viðskiptavina í lok árs 2007. Innlán í Bretlandi
og á svæðum þar sem hagstætt skattaumhverfi ríkir námu 61% og innlán í Lúxemborg
og Amsterdam 14%. Þegar á heildina er litið fjármögnuðu innlán einstaklinga
70% af heildarútlánum á árinu 2007, samanborið við 34% í lok árs 2005 sem
er mikilvæg breyting á fjármögnun bankans.
Skuldabréf í lausafjáreign Landsbankans
Sundurliðun eftir útgefanda
Fjármálaþjónusta 66%
Ríkisskuldabréf 25%
Fyrirtækjaskuldabréf 9%
Sundurliðun eftir lánshæfismatseinkunn
AAA 32%
AA 44%
A 16%
BBB 4%
NR 4%
Icesave
Innlánareikningur Landsbankans í Bretlandi, Icesave, sem settur var á laggirnar
í október 2006, hefur leikið lykilhlutverk í þeirri umbreytingu sem átt hefur sér
stað í fjármögnun bankans. Í lok árs 2007 nam fjöldi stofnaðra Icesave reikninga
128.000. Velgengni Icesave má að stórum hluta þakka háum vöxtum sem við-