Ársskýrsla 2007 - BTB

23
Landsbankinn
Fjármögnun og lausafjárstaða 2007
Landsbankinn hefur fylgt þeirri stefnu að tryggja fjármögnun
og lausafé með fjölbreyttum leiðum, að halda skynsamlega
utan um stýringu lausafjár og draga úr vægi lánsfjármögnunar
á markaði, sem og að halda áfram að auka landfræðilega
dreifingu fjármögnunar.
Á árinu 2007 fylgdi bankinn þessari stefnu eftir með góðum árangri. Frumkvöðlastarf
Landsbankans á sviði alþjóðlegrar innlánastarfsemi hefur átt stærstan þátt
í endurskipulagningu efnahagsreiknings bankans og þeirri þróun að bankinn þarf
nú í mun minni mæli að treysta á alþjóðlega lánamarkaði til fjármögnunar. Kostir
þessarar stefnu eru augljósir þegar litið er til þess óróa sem ríkt hefur á fjármálamörkuðum
á seinni hluta ársins, þegar bankinn reyndist vel í stakk búinn til
að takast á við samdrátt á lánsfjármarkaði.
Fjármögnun og lausafjárstefna
Fjármögnunarstefna Landsbankans er óaðskiljanlegur hluti lausafjárstýringar
bankans. Fjármögnun á alþjóðlegum lánamörkuðum er eðlilegt svar bankans við
aukinni landfræðilegri dreifingu eignasafnsins en stöðugt og áreiðanlegt aðgengi
að fjármagni er mikilvægur þáttur í að halda utan um lausafjáráhættu. Landsbankinn
stýrir fjármögnun sinni á virkan hátt til þess að ná fram þessari dreifingu
og áreiðanleika með því að fylgjast vel með aðstæðum á markaði til að að geta
með sem bestu móti stýrt fjármögnun bankans á sem hagkvæmastan hátt.
Á árinu 2007 hélt Landsbankinn áfram að auka fjölbreytni fjármögnunarleiða
bankans og bæta almennt aðgengi að fjármögnun. Lögð er áhersla á alþjóðleg
innlán einstaklinga til að ná fram ákjósanlegu jafnvægi á milli fjármögnunar með
innlánum og fjármögnunar á alþjóðlegum lánamörkuðum. Hlutfall innlána einstaklinga
var 70% af heildarútlánum til viðskiptavina í lok árs 2007, samanborið
við 46% í byrjun árs.
Lausafjárstýring samstæðunnar
Samhliða vexti Landsbankans á undanförnum árum hefur lausafjárstýring samstæðunnar
verð efld og umtalsvert aukið við lausafé. Sá órói sem skapaðist í
kringum íslensku bankana á árinu 2006, aukin alþjóðleg starfsemi Landsbankans,
sem og aukin áhrif alþjóðlegra lánamarkaða á íslenska hagkerfið, ýttu undir þá
ákvörðun að efla lausafjárstöðu bankans. Nýjar innri reglur bankans um lausafjárstýringu,
sem segja til um stýringu lausafjáráhættu, eru settar af fjármála-