Ársskýrsla 2007 - BTB

77 Landsbankinn
Einstaklingsviðskipti
Landsbankinn er og hefur verið leiðandi viðskiptabanki á
íslenskum bankamarkaði. Áhersla á góða þjónustu og ábyrga
fjármálaráðgjöf hefur verið leiðarljós bankans undanfarin ár
og ánægja viðskiptavina hefur aukist verulega með þessum
áherslum. Starfsumhverfi bankans breytist mjög hratt og eru
vörur hans og þjónusta í sífelldri endurskoðun í samræmi við
þarfir viðskiptavina. Útibú miða að því að veita fjölbreytta
þjónustu til að sinna margvíslegum þörfum viðskiptavina.
Ráðgjafa- og þjónustuver hefur verið eflt til að mæta æ fleiri
viðskiptavinum sem vilja eiga bankaviðskipti í gegnum síma.
Jafnframt hefur þróun á Einkabanka og vefsvæðum bankans
verið forgangsatriði til að tryggja einfaldleika í þjónustu við
viðskiptavini á netinu.
Viðskiptabankastarfsemi hefur vaxið og dafnað með útrás bankans en mikil velgengni
á Bretlandsmarkaði hefur meira en tvöfaldað fjölda einstaklinga og lítilla fyrirtækja í
viðskiptum á árinu. Jafnframt hafa heildarinnlán bankans aukist um 108% milli ára,
þar af er stærstur hluti vegna innlána einstaklinga. Árið 2007 er fyrsta árið í sögu
Landsbankans sem umsvif í viðskiptabankaþjónustu eru umtalsverð utan Íslands.
Um áramót 2007/2008 áttu um 150 þúsund manns í Bretlandi sparnaðarreikning
á netinu undir vörumerkinu Icesave. Þótt hér sé um ákaflega takmarkaðan þátt af
viðskiptabankastarfsemi að ræða hefur myndast verðmæt reynsla innan bankans
sem mun nýtast vel ef aukin áhersla verður lögð á einstaklingsviðskipti í starfsemi
bankans utan Íslands.
Markaðshlutdeild og lykilmælikvarðar 2007
Niðurstöður markaðsrannsókna, framkvæmdra af Capacent Gallup, sýna að Landsbankinn
var með um 28% hlutdeild á innlendum markaði í árslok 2007. Sömu sögu
er að segja af hlutdeild bankans í veltu á debet- og kreditkortum. Hlutdeild í debetkortaveltu
var um 28% á árinu en hlutdeild í kreditkortaveltu var um 27%. Þessi
staða tryggir bankanum leiðandi markaðshlutdeild á íslenskum viðskiptabankamarkaði
en bankinn hefur sett sér markmið um að leiða áfram viðskiptabankamarkaðinn
á Íslandi líkt og hann hefur gert í áraraðir.
Útlán útibúa á árinu námu 392 milljörðum króna í árslok og jukust um 33% árinu.
Lán til einstaklinga námu um 206 milljörðum króna en lán til fyrirtækja og annarra