Ársskýrsla 2007 - BTB

Ársskýrsla 2007
108
Bankastjórar
Halldór J. Kristjánsson lauk lagaprófi (cand. jur.) frá Háskóla Íslands árið 1979,
meistaraprófi í alþjóðalögum (LLM) frá New York University árið 1981 og stundaði
nám í samningarétti við Harvard Law School árið 1986. Hann tók við starfi
bankastjóra Landsbankans 1998. Áður starfaði hann sem skrifstofustjóri og síðar
ráðuneytisstjóri í iðnaðar- og viðskiptaráðuneytinu árin 1994-98. Halldór var
aðstoðarbankastjóri við Evrópubankann í London (EBRD) 1991-1994. Þar áður
starfaði hann sem skrifstofustjóri lögfræði- og alþjóðadeildar í iðnaðar- og viðskiptaráðuneytinu
árin 1981-1991.
Á vegum ráðuneytisins tók Halldór meðal annars þátt í þróun stóriðjuframkvæmda
á Íslandi, átti sæti í fjölmörgum nefndum og ráðum og var fulltrúi Íslands
hjá Alþjóðagjaldeyrissjóðnum. Síðan Halldór hóf störf hjá Landsbankanum hefur
hann setið í stjórnum hjá fjölmörgum fyrirtækjum og samtökum, meðal annars
Evrópsku bankasamtökunum og Samtökum iðnaðarins. Þá var hann formaður
stjórnar Sambands íslenskra viðskiptabanka. Halldór hefur verið formaður stjórnar
Landsbanki Heritable Bank Ltd í London síðan 2000 og formaður stjórnar Landsbanki
Luxembourg SA síðan 2003, í stjórn Lex Life and Pension SA, sem og dótturfyrirtækja
Landsbankans Kepler Equities SA og Merrion Landsbanki, síðan 2005
og í stjórn Landsbanki Guernsey Ltd síðan 2006.
Sigurjón Þ. Árnason útskrifaðist sem vélaverkfræðingur frá Háskóla Íslands 1992
og lauk MBA prófi í fjármálum frá University of Minnesota í Bandaríkjunum 1994.
Hann nam hagverkfræði við Technische Universität í Berlin árin 1994-1995. Sigurjón
hóf störf sem bankastjóri hjá Landsbankanum í apríl 2003. Áður starfaði
hann hjá Búnaðarbanka Íslands hf. og var þar framkvæmdastjóri Rekstrarsviðs
frá 1998 og forstöðumaður Hagfræði- og áætlanadeildar 1995-1998. Á árunum
1995-1997 var Sigurjón einnig stundakennari við Háskóla Íslands.
Sigurjón er formaður samninganefndar íslenskra banka og hefur verið formaður
dótturfyrirtækis Landsbankans Kepler Equities SA síðan 2005. Hann hefur setið í
stjórn hjá Landsbanki Heritable Bank frá 2003, Landsbanki Luxembourg frá 2001,
Teather & Greenwood Ltd frá 2005, Merrion Landsbanki frá 2005, Lex Life & Pension
SA frá 2005, Landsbanki Guernsey Ltd frá 2006, Hömlum hf. frá 2003, Intrum
Justitia AB frá 2005 og Landsbanki Securities Holding plc frá 2007.