Ársskýrsla 2007 - BTB

49 Landsbankinn
Regluvarsla uppfærir reglulega reglur og verkferla bankans. Regluvarsla sér um
gerð verkferla, myndrænna lýsinga á verklagi í höfuðstöðvum og dótturfélögum
bankans. Verkferlum er ætlað að tryggja að ávallt sé farið að þeim lögum og
reglum sem bankinn starfar eftir. Mögulegir hagsmunaárekstrar í starfsemi bankans
eru metnir og er vernd fjárfesta ávallt forgangsatriði.
Eitt af megin viðfangsefnum regluvörslu árið 2007 var innleiðing á tilskipun Evrópusambandsins
um markaði fyrir fjármálagerninga (MiFID). MiFID tók gildi 1.
nóvember 2007 og hafði í för með sér víðtækar breytingar á viðskiptaháttum með
fjármálagerninga. Tilskipunin veitir almennum viðskiptavinum aukna vernd og
gerð er krafa um að bankarnir búi yfir meiri upplýsingum um viðskiptavini og
flokki þá til að tryggja að þeim bjóðist viðeigandi þjónusta. Innleiðing á MiFID-tilskipuninni
var stórt verkefni og að því unnu starfsmenn regluvörslu ásamt öðrum
starfsmönnum samstæðunnar.