Ársskýrsla 2007 - BTB

Ársreikningur 2007
128
Skýringar við ársreikning samstæðu
1. Almennar upplýsingar
Landsbanki Íslands hf. (samstæðan) er viðskipta- og fjárfestingarbanki. Samstæðan er með rekstur í fjórtán löndum og voru starfsmenn hennar 2.640 í
lok ársins.
Móðurfélag samstæðunnar er Landsbanki Íslands hf. (bankinn) sem er skráð hlutafélag með aðsetur á Íslandi. Skráð aðsetur höfuðstðva bankans er
Austurstræti 11, 155 Reykjavík. Bankinn var stofnaður á árinu 1886 og var ríkisbanki fram til ársins 1998 þegar ákveðið var að einkavæða bankann með
almennu hlutafjárútboði. Hlutabréf bankans eru skráð hjá OMX Nordic Exchange.
Bankaráð Landsbanka Íslands hf. samþykkti ársreikning samstæðunnar þann 28. janúar 2008.
2. Yfirlit um helstu reikningsskilaaðferðir
Helstu reikningsskilaaðferðir sem beitt var við gerð þessara samstæðureikningsskila eru tilgreindar hér á eftir. Þessum aðferðum var beitt á samræmdan
hátt á öll tímabilin sem birt eru í reikningsskilunum, nema annað sé tekið fram.
2.1 Grundvöllur reikningsskila
Ársreikningur samstæðu Landsbanka Íslands hf. 2007 er gerður í samræmi við alþjóðlega reikningsskilastaðla (IFRS) eins og þeir hafa verið samþykktir af
Evrópusambandinu (ES). Ársreikningurinn fylgir IFRS og staðfestum túlkunum á honum sem voru í gildi 31. desember 2007.
Alþjóðlegir reikningsskilastaðlar (IFRS) sem samþykktir hafa verið af ES víkja frá öðrum IFRS stöðlum á eftirfarandi sviðum í starfsemi samstæðunnar:
Staðlar sem ekki hafa verið samþykktir af ES:
IAS 23 (Viðauki), “Borrowing costs” (“Lántökukostnaður” tekur gildi 1. janúar 2009). Þar er kveðið á um að lántökukostnaður skuli eignfærður sem hluti af
kostnaði við eignamyndun ef hann tengist beint kaupum, framkvæmdum eða myndun eignar sem uppfyllir tiltekin skilyrði (eign sem tekur verulegan tíma
að koma í nothæft eða söluhæft ástand.) Ekki verður heimilt að gjaldfæra slíkan kostnað. Þessi viðauki hefur ekki tekið gildi og hefur ekki verið samþykktur
af ES. Samstæðan mun fara eftir þessum staðli um leið og hann hefur verið samþykktur af ES.
Skýringar við staðla sem ekki hafa verið samþykktir af ES:
IFRIC 12, ‘Service concession arrangements’ (gildistaka 1. janúar 2008)
IFRIC 13, ‘Customer loyalty programmes’ (gildistaka 1. júlí 2008).
IFRIC 14 ‘IAS 19 – The limit on a defined benefit asset, minimum funding requirements and their interaction’ (gildistaka 1. janúar 2008).
Staðlar, viðbætur og skýringar sem samþykktar hafa verið af ES og tekið gildi á árinu 2007:
Staðlar:
IFRS-staðall 7, Fjármálagerningar: skýringar (“Financial instruments: Disclosures”), og viðauki til skýringar á IAS-staðli 1, framsetning reikningsskila
- eiginfjáryfirlit (“Presentation of financial statements – Capital disclosures”), setja fram nýjar reglur um skýringar til þess að bæta upplýsingar um fjármálagerninga.
Þar er meðal annars gert ráð fyrir upplýsingum um hversu veruleg áhættustaða sé og um aðferðir við áhættustýringu. Þessar nýju skýringar
veita upplýsingar um umfang áhættu byggt á innri upplýsingum lykilstjórnenda. Gert er ráð fyrir að skýringar séu greinargóðar og veiti upplýsingar um
umfang útlánaáhættu, lausafjáráhættu og markaðsáhættu. IFRS 7 staðallinn kemur í stað IAS 30 “Disclosures in the financial statements of banks and
similar financial institutions” og einnig í stað nokkurra ákvæða um skýringar í IAS 32 “Financial instruments, disclosure and presentation”. Viðbótin við
IAS 1 setti fram skýringar þar sem fram komi upplýsingar um eiginfjárhlutfall og eiginfjárstýringu.
Þessir staðlar hafa veruleg áhrif á flokkun og skýringar á fjármálagerningum samstæðunnar. Báðir staðlarnir hafa verið innleiddir í reikningsskilareglur
samstæðunnar og liggja til grundvallar þessum samstæðureikningsskilum.
IFRS 4, “Insurance contracts”; Þessi staðall hefur engin áhrif á ársreikning samstæðunnar.
Túlkunarstaðlar:
IFRIC 7, ‘Applying the restatement approach under IAS 29, Financial reporting in hyperinflationary economies’
IFRIC 8, ‘Scope of IFRS 2’
IFRIC 9, ‘Re-assessment of embedded derivatives’
IFRIC 10, ‘Interim financial reporting and impairment
IFRIC 11, ‘IFRS 2 – Group and treasury share transactions’
Staðallinn sem vísað er til hér á eftir hefur verið birtur og samstæðunni gert skylt að fylgja honum frá og með 1. janúar 2008. Staðallinn hefur verið
samþykktur af ES en er ekki tekinn upp innan samstæðunnar fyrr en krafist er:
IFRS-staðall 8, ‘Operating segments‘, starfsþáttayfirlit (tekur gildi 1. janúar 2009). Þessi staðall kemur í stað IAS 14 og er samsvarandi reglum um starfsþáttagreiningu
sem fram koma í bandaríska staðlinum SFAS 131, ‘Disclosures about segments of an enterprise and related information’. Þessi nýi staðall
gerir ráð fyrir framsetningu í samræmi við innri upplýsingagjöf stjórnenda. Samstæðan mun innleiða IFRS-staðal 8 frá og með 1. janúar 2009.
Ársreikningurinn er gerður samkvæmt kostnaðarverðsaðferð að teknu tilliti til færslu fjáreigna og fjárskulda (þ.m.t. afleiðugerninga) sem tilgreindar eru
á gangvirði með breytingum í rekstrarreikningi.
Gerð ársreikninga í samræmi við alþjóðlega reikningsskilastaðla krefst þess að notaðar séu tilteknar aðferðir við reikningshaldslegt mat. Stjórnendur
bankans þurfa jafnframt að ákvarða notkun tiltekinna reikningsskilaaðferða. Sérstaklega er greint frá þessum aðferðum í skýringu nr. 3.
Milljónir króna