Ársskýrsla 2007 - BTB

95 Landsbankinn
Bankaráðsfundir
Í samræmi við starfsreglur bankaráðs eru fundir ráðsins skipulagðir ár fram í tímann.
Bankaráð kýs sér formann og varaformann á fyrsta fundi sínum eftir kjör
bankaráðs á aðalfundi. Formaður bankaráðs, eða varaformaður sé formaður fjarstaddur,
stýrir fundum bankaráðs sem alla jafna eru haldnir mánaðarlega. Þó má
boða til aukafundar með þriggja daga fyrirvara.
Starfsreglur bankaráðs
Starfsreglurnar innihalda ítarleg ákvæði um hlutverk bankaráðs og bankastjóra.
Bankastjórar bera ábyrgð á daglegum rekstri, en yfirumsjón með starfseminni og
ákvarðanir um ráðstafanir sem teljast óvenjulegar eða mikilvægar eru í höndum
bankaráðs. Helstu verkefni bankaráðs eru að taka stefnumarkandi ákvarðanir um
helstu þætti í starfsemi bankans og tryggja að öll umsvif hans séu í samræmi við
lög og reglur. Til þess að bankaráð geti sinnt þessu eftirlitshlutverki sínu er í starfsreglunum
að finna ítarleg ákvæði um upplýsingagjöf til bankaráðs. Í starfsreglunum
er einnig að finna upptalningu á þeim ráðstöfunum sem teljast óvenjulegar
eða mikilsháttar. Ennfremur innihalda starfsreglurnar ákvæði um hagsmunaárekstra
sem geta komið upp í tengslum við eigin viðskipti bankaráðsmanna eða
félaga sem þeir eiga virkan hlut í, sitja í stjórn hjá, eru fyrirsvarsmenn fyrir eða
eiga að öðru leyti verulegra hagsmuna að gæta. Í slíku tilfelli telst bankaráðsmaður
vanhæfur og skal ekki taka þátt í umræðu eða meðferð málsins. Sama gildir
um aðila sem eru fjárhagslega eða persónulega tengdir bankaráðsmönnum og um
samkeppnisaðila þeirra eða aðila þeim tengdum.
Ofangreindum ákvæðum er ætlað að koma í veg fyrir að hagsmunir bankaráðsmanna
hafi óeðlileg áhrif á ákvarðanir þeirra og að tryggja jafnan algert óhæði
þeirra. Bankaráðsmaður sem telst vanhæfur samkvæmt fyrrnefndum ástæðum
skal hvorki taka þátt í meðferð hlutaðeigandi máls né hafa aðgang að upplýsingum
sem málið varða.
Bankastjórar bera ábyrgð á upplýsingagjöf til bankaráðs. Meðal upplýsinga sem
lagðar eru fyrir bankaráð eru regluleg fjárhagsuppgjör bankans og endurskoðaðir
eða kannaðir samstæðureikningar fyrir hvern árshluta. Bankaráð fær einnig upplýsingar
um 100 stærstu viðskiptavini bankans sem og vanskil og greiningu á vanskilum.
Upplýsingar um öll viðskipti bankaráðsmanna og kjör þeirra eru ennfremur
lagðar fyrir bankaráð, auk sundurliðaðra upplýsinga um fyrirgreiðslur til venslaðra
aðila. Innri endurskoðandi bankans sinnir einnig endurskoðun á fyrirgreiðslum til
venslaðra aðila og ber þær meðal annars saman við sambærileg viðskipti annarra
viðskiptavina. Til venslaðra aðila teljast meðal annars bankaráðsmenn, bankastjórar,
framkvæmdastjórar, innri endurskoðandi og regluvörður, ásamt nánum
fjölskyldumeðlimum þessara aðila. Hliðstæðir aðilar í dótturfélögum og tengdum