Ársskýrsla 2007 - BTB

3 Landsbankinn
Áfram siglt þótt á móti blási
Undanfarin fimm ár hafa verið þau alfarsælustu í 121 árs sögu
Landsbankans. Þau hafa jafnframt verð fengsæl íslensku þjóðarbúi.
Saman hafa farið umbætur og framkvæmdagleði heima
fyrir og lengst af hagstæðar ytri aðstæður. Bankinn hefur nýtt
meðbyrinn og vaxið hratt en örugglega. Hann hefur styrkt stöðu
sína sem alhliða banki í þjónustu sinni við íslenskan almenning
og íslensk fyrirtæki eins og fram kemur í nýlegum könnunum
virtra aðila. Þar er bankinn eitt allra vinsælasta fyrirtæki
landsins. Þá hefur bankinn eflt til mikilla muna fyrirtækja- og
fjárfestingabankastarfsemi sína á alþjóðavísu. Á síðasta ári var
opnað útibú í Finnlandi og skrifstofa í Hong Kong auk þess
sem starfsemin var efld til mikilla muna í Noregi. Þá jók bankinn
starfsemi sína í Kanada með opnun nýrrar starfsstöðvar á
slóðum Vestur-Íslendinga í Winnipeg í Manitoba.
Björgólfur Guðmundsson,
formaður bankaráðs.