Ársskýrsla 2007 - BTB

5 Landsbankinn
virðið 397,3 milljarðar íslenskra króna í lok árs 2007. Jókst það um 36,1% á árinu
sem var yfir meðallagi 15 stærstu fyrirtækjanna í Kauphöllinni. Ávöxtun bréfa í
Landsbankanum hefur verið að meðaltali 51,2% á ári síðustu þrjú árin. Hlutabréfin
í Landsbankanum eru með þeim seljanlegustu og líflegustu í kauphöllinni en að
meðaltali voru um 42 milljón bréf seld á hverjum degi á síðasta ári.
Landsbankinn, banki allra landsmanna, hefur að mínum dómi sýnt í verki á síðustu
mánuðum að hann verðskuldar þann sess sem hann hefur ítrekað hlotið, að vera
eitt traustasta fjármálafyrirtæki landsins.
Landsbankinn hefur staðfest Leiðbeiningar um stjórnarhætti fyrirtækja sem Viðskiptaráð,
Kauphöll Íslands og SA hafa gefið út til að leiðbeina skráðum fyrirtækjum
og stjórnum þeirra í samskiptum sínum við hluthafa og stuðla að trúverðugleika
skráðra fyrirtækja gagnvart verðbréfamarkaðnum.
Landsbankinn uppfyllir ákvæði tilmælanna um skipan stjórnar. Allir fimm aðalmenn
í bankaráði eru óháðir félaginu í skilningi tilmælanna og þrír eru óháðir
bæði félaginu og stærstu hluthöfum. Þá leggur bankinn sig fram um uppbyggilega
samvinnu við fjármálaeftirlit á hverju því svæði sem bankinn starfar á.
Landsbankinn gegnir veigamiklu hlutverki í íslensku samfélagi. Höfuðábyrgð
bankans er að tryggja ábatasaman rekstur og veita viðskiptavinum sínum örugga
og sífellt betri þjónustu. Þar að auki leggur bankinn sitt af mörkum til að efla
og styrkja það samfélag sem hann starfar í enda veitir ekkert fyrirtæki á Íslandi
meiri fjármunum til að styðja menningu, menntun, íþróttir og mannúðarmál. Þá
tekur bankinn þátt í endursköpun miðborgar Reykjavíkur m.a. með uppbyggingu
tónlistarhúss við höfnina. Hjá fámennri þjóð geta stór og öflug fyrirtæki átt mikinn
þátt í að skapa lifandi og skemmtilegt samfélag þar sem allir eru hvattir til að
hlúa að mannauði framtíðar
Ég vil óska öllu starfsfólki og hluthöfum Landsbankans til hamingju með enn eitt
árangursríkt ár sem að þessu sinni var erfiðara en oftast áður. Lið Landsbankans,
hvar sem það er að finna í veröldinni, hefur staðið sig með sóma enn einu sinni
og fyrir það er ég þakklátur. Ég vona að framtíðin beri áfram í skauti sér áskoranir,
gleði og ríkulega uppskeru fyrir öll okkar sem komum að Landsbankanum.
Björgólfur Guðmundsson
Formaður bankaráðs