Impactos socioculturales en el turismo comunitario. Una ... - Pasos

Dintel en la zona arqueológica
de Bonampak
wayibaletik, ya sk’an ja’uk lek chikan ya’telik te jal
spasel k’u’il pak’etik jaito ma jichuk, te ch’oletik te ayik
ta “ Frontera Corozal “ yo’tan ma xch’ayik te a’telil
te a’bilik yu’un yilel yutsil lum k’inal, yu’un jich ya
x-utsub-a te stojolike, la snopik spasel luch ta stojol
jtul me’el te aynix sna tey ta slum sk’inalik,abotik sp’ijil
yu’un melel ay bayelix antsetik ch’ayemix yo’tanik ,
ja’ swentail te lok’ikbeel ta sleel yan lum k’inal k’alal
ta toyem te’ ak’ ja’mal. Ja’ jich a-och ya’telik ta yilel
yaxalum k’inal, jich ajajch sna’ sjol yo’tanik te bitik
ch’ayemix yu’unike sok jajch snopik spasel yach’il
ch’alelaletik sok yantikxan bi ajajch snopik, ay yantik
antsetik tseltaletik yakalik ta slok’esel jalabiletik, jich
bit’il skomol sk’u’ antsetik te yananix stuuntesik-ae
ya me xchonik te banti ay ula’tawanejetik, jich bit’il ta
“ Cascada Ch’en Ulich”, ta yach’il “ Palestina “.
Te ula’tawanejetik ya sk’an yilik lekil toyem te’ ak’
ja’maletik, ja’nix jich te yajwale ya sk’an te ja’uk
yak’o yo’tanik yu’un te bats’il lum k’inale, sok na’el
bi ut’il stalel xkuxlejalik te yakal yak’belik ta ilele. Te
yajwalul te toyem te’ ak’ ja’male snopojik te ya to
staikbeel slekilelik ta swenta yilel yutsil lum k’inal,
manchuk ya sk’an lek kanantayel, ak’a k’axuk sk’aalel
ta yilel yach’ubtesel , bistukwan ma xyich’ ak’el ta
ilel bin ut’il ya yich’ pasel kuxinelil, k’op a’yejetik te
yakal ta ch’ayel stuuk ta swentaiknix te yajwal jnaklej
jlumetik, yu’un jich ya xju’ ya yik’iktel te mach’atik
ya sna’ik yich’el ta muk’ te lum k’inale, ja’nix jich ya
sleik te ma pajaluk te ba ya xbeenik k’axel ta sleel kux
o’tanil.
| 138