Impactos socioculturales en el turismo comunitario. Una ... - Pasos

Zona Arqueológica de Yaxchilán
ya xtuun yu’unik te banti ya spabeyik sjunil a’telil
stukelik te ya staik koltayel ta tak’in ta spasel lejchelpat
naetik, spasel yak’el ta ilel beibal, pasel
banti ya xjul yip k’aal sok smeltsanel banti ya xju’
koel jilel.
Ya me xju’ ya kiltik ta lek te snopojelike sok
ja’me ya xtuun bitik spasel ta yilel sbeintesel
bats’il lum k’inal, ja’nix sjoy te banti yakal ta
pasel wakax naetik; beibaletik, yilel k’altik, yilel
lekil mutetik, sok xch’ijtesel chambalametik te
yakal ta tup’el jich bit’il muk’ul x-ain(cocodrilo),
sok ya xju’ ixta’ mok tajimal ta muk’ ja’etik jich
bt’il sbiil rafting o kayak. Ta bats’il smelelil ta
stojol te keremetike lek yo’tanik yu’un te yakal
snopbelike te ja’ yu’un te ay bi ya staik-a ta yilel
yutsil lum k’inal, ta xchebal yakal ya’bel yo’tanik
ta lek ta spasel ya’telul te sjunil a’telile melel ja’
kol spisiluk ay ta swentaik.
Ya sk’an kalbetik skop ya’yejal bi yilel nail
wayibaletik, kolnix ma pajaluksok te ach’
naetik sok te namey naetik te ba ya xk’otik te
ula’tawanejetik tey ta toyem te’ ak’ ja’maletik,
pasbilik ta oyetik maktilabil ta ya’benal
ch’ibetik, lejchelpat na te banti ya xwayik te
ula’tawanejetik, muk’, tsail pasbilik ste’el ya’k’ul
ya’benal te’ ak’etik lekiknax ay, ay tey-a te ja’mal
k’inal ta ilel, kol spisuluk ay snail ch’aybajibal.
Te bi yilel pasbil te naetike ja’me ich’bil ta muk’
te bats’il te’ ak’ lum k’inale, ja’ukla ch’uunbil
tey-a, manchukme slajibal te ach’ naetik te yakal
| 154