Mémoires 1881 Tome 17 - Ouvrages anciens sur Saint-Omer (Pas ...

— 183 —
32. Item et pareillement, porront lesdits draps de dixhuit
de laine flamenghe, pourveu que ce soit de la plus
fine, lesquelz on devra porter aux liches et au grant qaltre
aprez ce qu'ilz arront esté aux aultres esgars, et se ilz
sont trouvez bons et fins, on y mettera ung ploncq pareil
à cellui de le treizième sorte de draps de dix-huit fait de
laine d'Engleterre. • '
Draps de seize. — 33. Item, et se lesd. drappiers voeullent
faire aultres draps ou demi-draps au nombre de seize,
faire le porront, mais ilz deveront estre apportez à tous
les eswars, saulf aux liches.
34. Item, et s'il advenoit que esd. draps de dix-huit et
de seize fust trouvé par lesd. eswars que il y eut aucune
deffaulte, iceulx eswars seront tenus de en faire pugnicion
comme dit est des draps de quatorze.
Des draps non scellés pour le détail ot pour l'user. — 35. Item,
que tous aultres draps ou demi-draps qui seront faiz et
drappez en ceste ville, pour le détail et pour le user de
ceulx qui drappéz les arront, et lesquelz on ne vorra avoir
scellez, des seaulx dessusd., aprèz ce qu'ilz orront esté
passez à la fresque aune là où ilz deveroient estre portez
pour savoir se le foullon en aura fait son devoir, seront
et (lèveront estre portez aux tondeurs pour estre tondus
et eswardéz par l'eswars desd. tondeurs, et commandez
que autrement n'en soit usé, sur LX S .
Draps en dessobs de seize. — 36. Item, que tous drappiers
bourgois et demourant en ceste ville porront drapper de
toutes laines communes, draps de petit pris, qui seront mis
en roix et laine, et en tel nombre que bon semblera ausd.
drappiers au dessoubz du nombre de xvi c filz, pourveu
qu'ilz seront en douze quartiers de largue sur l'ostil adfin
que le foullon les puist tenir deux aunes de largue ou
environ ; lesquelz draps ne orront que ung ploncq au cru