Mémoires 1881 Tome 17 - Ouvrages anciens sur Saint-Omer (Pas ...

— 199 —
enverser ung drap sans l'aire trop grand envers, car s'il.
estoit trouvé avoir trop grand envers, escherroit en amende
de cinq solz.
Que lesd. foulons viennent à nettoyer leurs draps de
neux, aussi bien sur l'envers que sur l'endroit, si bien que
pour suffir, car s'il estoit trouvé que iceulx draps ne
fussent poinct nettoyés de neux, seront reboultéz à copper
neux, pour la preniière fois ; et s'il advient que iceulx
draps ne soient nettoyés à la deuxième fois, sera led. foulon
à l'amende de trois solz. '
Aussy, que tous foulons facent leurs draps sy netz que
pour suffir : Car s'il est trouvé que aucun draps soient
trop gras, iceulx seront reboultéz à descraichier sans
amende pour la première fois, et à la seconde fois lesd.
foulons escherront en amende de trois solz.
Que tous foulons facent si bien leurs debvoirs sans
laissier lesd. draps trop crus, car se ilz estoient trouvez
trop crus, et nul enversez, iceulx draps escherront en
amende de cincq solz.
Et pareillement, s'il est- trouvé que aucuns draps soient
plains de tacques et ordures ou mal ouvreys dedans,
iceulx draps escherront en amende de deux solz. •
L'on fait commandement à toutes esbucqueresses de si
bien bucquier et esbrouer ung drap que pour suffir ; et
s'il advenoit que ledit drap fusist trouvé par l'esgard mal
esbuquiet et mal esbroué, iceulx escherront en amende
de deux solz.
Pareillement, que toutes esbuqueresses se gardent de
rompre les filiez d'un drap, sur paine de avoir la réparcion
qui en porroit advenir, comme de copper ung drap,
selon que le cas le requerra.
L'on fait commandement à tous foulons de si bien fouler
lesd. draps que pour sul'lir, à la longheur de vingt-huit