Mémoires 1881 Tome 17 - Ouvrages anciens sur Saint-Omer (Pas ...

— 20-i —
fées, et se ne taindent de garances, se ce n'est que les
draps soient passez l'eswaart du bleu, principallemènt
ceulx que l'on fait taindre en noir pour passer l'eswart, et
ce sur la paine de dix livres, les soixante solz aud. eswart,
et le surplus comme il est acoustumé, et aussi d'estre plus
griefvement pugny à la discrétion de Mess rs .
Item, que lesd. tainturiers n'emploient en leurs taintures,
et ne taindent de coperost, razin, noix de galle,
lymure de fer, gomme, alun d'Allemaigne, vinaigre, ne
aultre faulse estoffe de quelque espèce qu'elle soit, mais
taindent doresenavant de bonne garance et alun aiant
passé l'eswart de la ville, avant qu'ils les mectent en
œuvre, sur soixante livres et estre pugnis à la volunlé
de Mess", et de restituer aux drappiers et bonnes gens
leurs dommaiges et interreslz.
Des Commis et Eswardz.
Que tous, les commis aux eswardz, tant aux lannes, filez
au fait des tisserans du cru eswart, de foulon tondeurs,
comme ceulx commis au grand caltre, ordonneront chacun
en son endroit, lieu, jour et heure en chacune sepmaine,
et tant de fois que mestier sera, ausquelz jour, lieu et
heure; ainsi par eulx ordonné tout ce que se pourra transporter
y sera porté, pour estre eswardé selon que il est
cy dessus ordonné et déclarié.
Item, et dès denrées', estoffes, matières et choses qu'ilz
ne se porront transporter, ceulx qui auront mestier et
demanderont d'avoir l'eswart, seront tenus de le requerre
pour aller au lieu faire l'eswart qu'il appartiendra estre
fait, selon qu'il est cy dessus contenu.
Item, lesquelz eswars pour leur sallaire de visiter et
eswarder hors des jours acoustumés et es-lieux où ilz
seront requis, auront pour chacune fois six solz comme
anchiennement.