Mémoires 1881 Tome 17 - Ouvrages anciens sur Saint-Omer (Pas ...

— 202 —
wart dud. mestier, sans déport ou dissimulation, 'et à
paine d'estre reprins et pugny par Mesd. s".
Item, que par le tondeur, ses gens et maisuyes, ne soient
lesd. draps délivrez aux drappiers marchans et aultres,
sans premièrement estre eswardéz, passez et marquiés
comme il appartient, sur paine d'estre en amende de soixante
solz.
Item, que lesd. tondeurs tiennent les draps à eulx aportez
nestement, les lannentde cardons propres, et par bonne
labeur soient lesd. draps drus de laine, et de bons fons,
et que entredeux lainnage il n'y ait aucuns neux ; et s'il y
en avoit, qu'ilz les facent copper par le foulon, et ce, sur la
paine de le recommander et faire amender aux despens
du tondeur, et d'amende de dix solz.
Item, et s'il advenoit que lesd. tondeurs ne eussent
relanné et rappointié les draps à eulx renvoyés pour appoinctier
et amender, lesd. tondeurs seront, pour chacun
draps, en amende de dix solz à applicquier comme aultreffois
audit eswart de justice.
Item, et s'il advenoit que aucun tondeur euist relanné
aucuns draps de sy fort cardon que lesd. draps en fussent
amendris, en sorte qu'ilz ne puissent, avoir le seau, ced.
tondeur sera tenu réparer et'amender au drappier son
intérest à l'ordonnance de l'eswart commis au grand caltre
et d'amende à l'ordonnance de l'eswart.
Pareillement, se par faulte de tenir nettement les draps
quelz qu'ils soient, blans, bleux, noirs ou goix, iceulx
draps ne pooient estre scellés, en ce cas le tondeur qui
auroit receu lesd. draps seroit aussy tenu de amender au
drappier, à l'ordonnance dud. caltre. Et si seroit de chacun
drap, en amende de cincq solz.
Item, que aucun tondeur drapier, ny aultre, ne frisent
ou facent friser l'envers des draps, ne les engrasser d'aucune
gresse ou licqueur, ne les embourer de brèze, les