Mémoires 1881 Tome 17 - Ouvrages anciens sur Saint-Omer (Pas ...

— 334 —
24. Deffences que nul ne pesche de jour ou de .nuict es
eaues et pescheries d'aultruy, à peine de dix florins et d'estre
punis selon l'exigence des cas.
25. Deffences que nul ne pesche ne niecte houpenets es
eaues communes de ceste ville, à peine de soixante sols.
s»
26. Deffences que nul ne pesche avecq proix, n'est entre
deulx S" Croix qui est depuis le troisième de may jusqu'au
quatorze de septembre, à peine de soixante sols.
27. Deffences que nul quel qu'il soit ne pesche à la linde
es fossés de la ville, par dessus les murs des remparts, ni
sur les bords desdits fossés, à peine de bannissement et
d'aultre plus griêve punition arbitraire.
28. Polront néansmoings tous bourgeois et habitans de
ceste ville, à l'advenir ettant que aultrement en soit ordonné,
pescher à la linde en la rivière que Tondit les trois
Staons, à pied, et à batteaulx, sans en ce commectre fraude,
pourveu que ce ne soit jour de dimanche, d'apostre ou
aultre feste commandée à garder par l'église, et aussy
qu'ils ne pourront pescher au devant des embouchures des
viviers et wals appartenais aulx frais poissonniers, rentiers,
ou aultres, à peine d'estre attains et punis de larchin
et aultrement à la discrétion de messieurs selon l'exigence
des cas.
29. Deffences qu'aulcunes personnes, de quel estât ou
condition qu'elles soient, ne pesche dores en avant es viviers
et fossés de ceste ville, ni aussi mecte ou jecte roix,
houpes, espriviers, rapuets velues ou aultres engiens, pour
y prendre poissons grands ou petits, et ne fâchent aulcun
empeschement esd. viviers et fossés, à peine de dix livres.
30. Et aussi, que nul, de quelque estât et condition qu'il
soit, ne tiennent en sa maison roix appellees velues à peine
de soixante livres et d'estre punis à l'ordonnance de messieurs.