Mémoires 1881 Tome 17 - Ouvrages anciens sur Saint-Omer (Pas ...

— 188 -
Item, que les tisserans qui se mesleront de tistre iceulx
draps fins, y mestront au premier boult six cordeaux de
rouge l'un après l'aultre, et y feront ung double lambeau
de rouge cordeau, et le liste avec de la grandeur d'un
pied de long et autant de large, ou environ, et au-dessus
en la lizière mecteront deux roudz plombez ung quartier
entre l'ung l'aultre ou environ, et boulteront deux cordeaux
et deux lichures de nouveau fil parmy iceulx plombz,
dont le premier plomb sera marquié sur l'ostille par les
maistres dudit mestier, de la pinche ad ce ordonnée, et
à l'aultre cornet du drap, ' sera mis la marque du drappier
et du tisseran auprèz, et en la lizière deux plombz attachiez
comme en l'aultre, et au dernier boult, la double
croix et cinq ou six rouges lizières l'une après l'aultre ;
et pour le deuxiesmé sorte, sera mis au premier boult six
bleuz cordeaulx, et ung seugle lambeau de bleu et de
liche, et les plombz et marques comme dessus; et pour le
troiziesme, sera mis au premier boult, trois bleuz et trois
blancqs mesléz, l'un aprèz l'aultre, sans parcq, et les
plombz et marques comme dessus ; et que aultrement
n'en soit fait sur l'amende de vingt solz. *
Des Pigneresses.
Item, que les pigneurs et pigneresses de laine ne auront
en leurs maisons que une sorte de laisne à une meisme
personne, pour éviter à toutes frauldes qui s'en porroient
ensievyr des meslures de l'une_ laisne en l'aultre
sur l'amende de cinq solz pour chacune sorte ou couleur
de laisne qui seront trouvez, au profit de l'eswart.
Item, que lesd. pigneurs et pigneresses feront signer
leurs pignes de l'enseigne et marque ad ce ordonnée, qui
est d'une double croix. Et ce-sur l'amende de cinq solz
au prouffit que dessus.
Item, et s'il est trouvé que esd. pignes il y ait aucuns