Mémoires 1881 Tome 17 - Ouvrages anciens sur Saint-Omer (Pas ...

— 88 —
dudict meslier quy doresnavant trespasseront en ceste
ville à leur enterrement, sy ainsy n'est qu'ils meurent de
maladie contagieuse, et aussy d'aller au service quy se
chantera pour iceux trespasséz et offrir pour leurs âmes,
quand par le comis à ce dudict mestier qu'ils et chacun
d'eulx y seront suffissament adjournez, sur amende des
douze' deniers à applicquer audict service saulf vraye
excuse corne dessus.
Item et pour ce qu'iceux doyen et compaignons maîtres
dudict mestier a présent ont tous unanimement et d'un
accord déclaré estre en volonté et dévotion de cy après
à -traict de temps estorror une chappelle de gallice, livre,
casuble, et autres ornemens y servans, et aussy faire
célébrer une messe par chacune sepmaine sy possible est,
leur at esté à leur prière et requeste consenty pour à ce
parvenir aisiblement et sans grief faire à ceux dudict mestier
présens et advenir, de doresnavant prendre, lever, et
cœullir, de chacun maistre qui est [et] de cy après sera, de
chacun brassin de cervoise que chacun d'eulx brassera
soit grand ou petit trois deniers, oultre et par dessus une
livre de chire que chacnn d'eux ,est accoutumé de payer
en chacun an, au bien de la candeille, a condition qu'iceux
doyen et compaignons feront toutes fois que sommez seront
par messieurs mayeur et eschevins de leur enseignier
ou aux comis sur ce de par eulx, la grandeur et somme de
deniers que recoeuillie auront desd. brassins, et en quoy
ils auront employé affin que l'on soit adverty sy autrement
que debvement n'en soit usé, pour en cas de mésus, en
faire la restitution et aussi recepvoir punition par eulx quy
y seront trouvez en coulpe ou faulte à l'ordonnance et
discrétion de mesdicts s".
Item est aussy ordonné que ceux desd. maistres quy a présent
sont résidens et tenahs ledict mestier en ceste ville et
ne sont bourgeois se facent bourgeois, et deffence que