alt mellom himmel og jord - Lokalhistorie.no

Svein Ivar Langhelle
170
som ligg i frykta for tap av t.d. sosial prestisje Dette er truleg
ein vesentleg forklaringsfaktor på kvifor også dei "verdslege" i
så stor grad retta seg etter dei haugianske standardane. Folk
som valde å trossa haugianarane si oppfordring om å halde seg
borte frå deler av gamal skikk og bruk, kunne kjenna seg både
skamfulle og forlegne den dagen dette blei tema for dei vakte
sin påtale og omtale. Særleg må det ha vore slik på stader der
dei haugiansk vakte ikkje hadde sterke motkrefter, som kvekarar
eller respekterte personar som tok til motmæle mot dei.
Eit tredje moment kan ha vore at det gamle bondefellesskapet,
med sine tette og nære band mellom folk, var i ferd med å
bli lausare på denne tida. Då kan det nye, nære fellesskapet
innan haugianismen ha vore ei god erstatning for mange – særleg
om dei hadde skyldfolk eller nære vener i dette miljøet. Og
det var gjerne desse vegane at påverknaden skjedde.
Det er rimeleg å tru at kombinasjonen av prestisje og ikkjefysisk
maktbruk fekk dei utanforståande til å føla seg underlegne,
samstundes som det ga haugianarane ein type kulturhegemoni
og modellmakt som kan samanliknast med det tradisjonelle
overklassar kunne oppnå. I arbeidet med "siviliseringsprosessen"
trekkjer Elias fram det oppstigande borgarskapet si
etteraping av adelen sine manerar i det før-revolusjonære
Frankrike. 23 Mange ambisiøse på utsida av denne adelen var så
imponerte av adelen sine manerar – samstundes som dei opplevde
eigne skikkar som mindreverdige, at dei prøvde å leggja
dei same banda på seg sjølve som det adelen gjorde. Dei utvikla
sitt eige "super-ego" etter førebilete av den samfunnsklassen dei
stod i motsetnad til og førte strid mot. 24
Me kan kanskje også samanlikna med dei vaksne si rolle
som førebilete i barneoppsedinga, der barna ynskjer å tekkast
foreldra, samstundes som dei også fryktar negative reaksjonar
frå sine føresette. I tillegg utviklar barna gjerne ein eigen subkultur
med eigne normer som gjeld når dei er utanfor vaksen-