Pasaia III - Pasaiako udala

Alabaina, Pasaiako udal politikan gora-behera handiak gertatzeko
zeuden oraindik. 1932ko abenduaren 30ean, Espainiako
Errepublikako Presidenteak, Niceto Alcala-Zamorak, eta
Gobernazio Presidenteak, Santiago Casares Quirogak, lege bat
hitzartu zuten. Haren aginduz, udal hauteskunde partzialak deitu
zituzten 1931ko apirilean Hautes-Legearen 29. artikulua ezarri
zen herri eta barrutietan. Xedapenak bete-betean eragiten
zion Pasaiari; gogora dezagun Donibanen bozketa egin behar
izan gabe izendatu zituztela zinegotziak. Beraz, Antonio Puy
Saiz, Isidoro Olaziregi, Basilio Perez de Arenaza eta Juan Etxarri
kendu egin zituzten kargutik.
Kontuan izanda kargutik kendutakoen artean alkatea bera
zegoela, Antonio Puy, eta hutsuneak betetzeko hauteskundeak
ez zirela apirila arte egingo, gainerako zinegotziek Udal
Batzorde Eragilea osatu zuten 1933ko urtarrilaren 24an. Ignacio
Uria Etxeberria izendatu zuten alkate, aho batez. 1933ko maiatzaren
10a arte bete zuen kargua, Pasai Donibanen aukeratutako
zinegotzi berriek Udalbatza osatu arte, hain zuzen. Hautatuak
hauek izan ziren: Fulgencio Puy Saiz, Joakin Olaziregi
Letamendia, Teodoro Laboa San Miguel eta Angel Goienetxea
Manzisidor, denak ere EAJ-PNVk aurkeztutako hautagaitzako
kideak.
Udal-talde berriak Agustin Aldalur Bidaurreta aukeratu zuen
alkate, baina agintaldi laburra izan zen berea. Hilabete batzuen
buruan Aldalurrek uko egin zion karguari, “arrazoi sendoak”
zirela medio. Dimisioaren zergatia lanbidea zen: armadore etxe
batean egiten zuen lan Aldalurrek, eta lantegiak beste portu
batera eraman nahi zituen bere ontzietako batzuk. Hori zela eta,
Aldalurrek sarri joan behar izaten zuen herritik kanpo. Ezin
beraz herria gobernatu, herrian egon gabe.
Ondorioz, berriro aukeratu behar izan zuten alkatea. Joakin
Olaziregi Letamendia lehen alkateordeak hartu zuen, azkenik,
kargua.
GORTEETARAKO HAUTESKUNDEAK (1933-11-19)
HAUTAGAIAK Donibane San Pedro - Trintxerpe Antxo GUZTIRA
Jesus de Leizaola (EAJ-PNV) 494 615 382 1.491
Rafael Pikabea (Independiente Estatutista) 467 563 329 1.359
Telesforo de Monzon (EAJ-PNV) 320 436 249 1.005
Manuel de Irujo (EAJ-PNV) 315 402 241 958
Juan Antonio Irazusta (EAJ-PNV) 317 400 235 952
Juan Usabiaga (Koalizio Errepublikarra) 92 168 256 516
De Francisco (Alderdi Sozialista) 30 287 199 516
Toribio Etxebarria (Ald. Sozialista) 30 287 194 511
Federico Angulo (Ald. Sozialista) 29 288 193 510
Julia Alvarez (Ald. Sozialista) 30 284 188 502
Nicolas Bizkarrondo (Koal. Errepublikarra) 75 138 223 436
Manuel De la Torre (Koal. Errepublikarra) 63 127 189 379
Jose Miguel Gomendio (Koal. Errepublikarra) 60 120 188 368
Jesus Larrañaga (P.C.E.) 6 85 126 217
Juan Astigarrabia (P.C.E.) 7 83 126 216
Luis Zapirain (P.C.E.) 6 83 125 214
Ricardo Urondo (P.C.E.) 6 81 127 214
Antonio Paguaga (Part. Tradizionalista) 54 48 94 196
Agustin Telleria (Part. Tradizionalista) 52 44 90 186
Ramiro de Maeztu (Renovación Española) 52 45 84 181
Mª Rosa Urraca (Part. Tradizionalista) 50 39 85 174
Jose Imaz Arrieta (A.N.V.) 15 17 33 65
Pasaian inskribatutako hautesle kopurua:
DONIBANE: 644
S. PEDRO – TRINTXERPE: 1.173
ANTXO: 997
GUZTIRA: 2.814
I 63